127
Luakpama yãdaa
Gɛa Yelusalɛũ lɛ pↄ́ Salomↄↄ dà.
Mɛ́ i kɛ Dii mɛ́ lɛ́ kpɛdↄo,
kpɛdↄnaↄ lɛ́ zĩ pã kɛɛ.
Mɛ́ i kɛ Dii mɛ́ lɛ́ wɛ̃́lɛ dↄ̃́ao,
gudↄ̃anaↄ lɛ́ itɛ̃kɛ pãɛ.
Fɛlɛa káaukaau, wúlɛa wɛɛdo,
zĩkɛa ń leeleo blɛ yã́iá pãɛ,
asa Dii mɛ́ ì a yenzideↄ gba ĩ́ampaa.
 
Nɛgↄ̃ɛnaↄá Dii gbaɛ,
nɛ́ píiá aà kpámaɛ.
Lá ka ìↄ ka gↄ̃sa gbãa ↄu,
màa ɛ̀waasogↄↄ nɛgↄ̃ɛnaↄ dɛ.
Báaaden gbɛ̃́ pↄ́ aà gbàla pàò ũ.
Tó aà ibɛɛↄ aà lè gãaɛ,
wí a aà kũo.