Bibeli Luayãtaalá Soũↄ 128

128

Maa pↄ́ Dii vĩakɛna ì e

Gɛa Yelusalɛũ lɛ.

1 Báaaden gbɛ̃́ pↄ́ Dii vĩa vĩ

a aà yã́ↄ kũa ũ.

2 Ńyↄ̃ n zĩkɛa baa ble,

ńyↄ̃ ɛ̀fãai e, níↄ aafia.

3 N nↄ aↄ dɛ lí nɛ'ina ũ n ua,

n nɛgↄ̃ɛnaↄ aaↄ liaa n keenai

lán kuli keleↄwa.

4 Màa gbɛ̃́ pↄ́ Dii vĩa vĩ aↄ báaa vĩ.

5 Kua Siↄna Dii a báaadangu,

ńyↄ̃ Yelusalɛũ nama e e n wɛ̃ni lɛ́u,

6 ńyↄ̃ n tↄũnaↄ e.

Dii Isailiↄ gba aafia!