1 U biyi wa bina khu nimi latre, Bina zrren ni tu konumgbungblu yi. 2 Bi na ta hu mgbyemgbyle cuugbungbhulu meme brji kimayi nitindu ni mi mrli bi hanton. 3 Khi nata son nimi ndi biki, nita ti meme kpe bi wa kpa bu ni sona, ni ta tie ndu ukpa ni u sron mbu. khi na mrli bi fu na brunrji. 4 U Rji hi u wruhle don ani sonta kpukpome. 5 Wa khi na khwu nimi latrembu, a kata ti sisren nimi Kristi nitu zizi ma a kpata cuwo. 6 irji tata shiben ni Kristi na duta son ni bubu riri ni Kristi Yesu. 7 Ni ngbungblu u ye ani tsrota zizi nitu Yesu. 8 Nitu zizi ba kpayi cuwo, nitu kpanyyeme, anatie bina, anhi nu. 9 Ana ni ton dubina du ndjio na wru wo nisamna. 10 Khi hi kphi nundu u rhji wa a tieta ni mi Yesu Kristi duta ti kpe ndindi wa'a Rhji a yo sron ni sen ni tawu'a 11 Ta mre bina bi kora nikpa. bata yoyi di bi wa bana yojia na, yoji ukpa wadi indi mba nitiea. 12 Ninton kima bana gayi ni kristi. Bina bira ni Isra'ila ni bitsri ni yo'nyu Rrji, ndi na he ni yo sron ni kperi na ndi nahe ni Rrji ni ngbu ngblu'a na 13 U zizan ni mi Kristi Yesu biyi wa bishe gbugban mu ni Rrji'a, ba jiyi ye whe wjre nitu yi Kristi. 14 Ahe si mbu. A ka ta tie ri Ni kpa ma ba zi nt'mo wandi a gata ni kpambu'a. 15 A wu du u tron da tie ndi sama nimikpa ma. Nda ji siye. 16 Kristi a katu ndi ha kabru nikpari ni kukron, nda wu meme fu. 17 Yesu ye ndaji si ni yuwu wa bina he gbu gban mu'a nda ji si ye nibi wa bahe whyewhyre me'a. 18 Ni tu Yesu ki fe nkon wawumbu ni mi brji ndindi heni ntie. 19 Zizan biyi bi striba bina la bi tsri gana bi kpan ni mrli ko Rrji. 20 Bi he biwa bi kpanci manzani ba anabawa. Baci yesu ni tuma wawuyi hi tita u me'a. 21 Nimi mayi ba me kabi, basi babran na hekali nimi Baci 22 Ni mi mbayi biyi game bi kabi na bubu u son u rhji ni mi brji janji.