1 Nitu yiyi, ime Bulus, mihe ni ko tro u kristi Yesu nitu bi bi kora. 2 Me yo sron ndi bi wo idu zizi u rji wa'a ne ni tunbi'a 3 Misi nha nitu ngran wa mito. wayi ahi kpe njaji wa bari'a mi nha fime ni yuwu. 4 Bita kra wayi, bi to kpe wa mi tre ni tu kpiwa bariri'a. 5 Bana hla nji treyi ni zan bari na. zizan Ibrji ndi di ngran ni mazani baba anabawa. 6 I tre wa bari'a si hla tawu ndi bitsri ba ga gado ni mrli ko game, ba ga gado tre rji ni mi nde Yesu Kristi. 7 Mi kati gran u tre rji nitu nu wa rhji ne ni mi gbye gble ma. 8 Irhji ba ne to yi niwa mi fime ni mi bi wa rhji cuba, dume tre tre ma ni mgbu mgblu nitu kpee tre ma wa an u cle na. 9 Ni ji tre ma yeni kpan, Ikpe wa a ri rji ni sen nide rhji wa tie kpe wawo'u. 10 Ba gran nji tre ni Ikilisiya, bi ikon ni bi mulki shulu bato ikpe wa irji tie ba ni kan kan'a. 11 Ahe towa nidu tre u sen sen wa rhji a tie nimi Yesu kristi bacimbu. 12 Ni mi nde yesu ki heni mgbe mgble ni gon don yo sron mbu niwu. 13 Mi breyi na khyu ngble ni ya wa misi tie ni tubi'a na wa ahi gbre sanbi. 14 Nitu ki mi kugyu ngbrju ni Baci. 15 Wa ni tuma bayo nde biko ni shu ni meme wawuwu. 16 Mibre rhji niyuwu, du yi fe mgben mgble ni Brji u ndindi wa ahe nimbi'a. 17 Mibre Baci du son ni mi sronbi nitu kpa y'me bi. mi bre ni duyi sen mgbe mgble kpukpko me ni me son. 18 Ni duyi to, baba bihu, a ngye hi rjurju ni, bwuni, gbron, ni son Baci. 19 Mibre ndu to son kristi wa azanto ni'nduyi tre nayi ndi mlan nawa rji he'a. 20 Wawu wa ani totie'kpe wa ki na myi ka tamr'ye, ni mi mgbe mgble ma wa ani tiendu nimi mbu'a. 21 Kigbre baci mbu Yesu Kristi san nimi Ikilisiya sese kase. Amin.