3
Jaŋe Paulole pasi embiŋ
1 Nâŋe ŋoŋe bâmiriŋ-ŋopanaŋte dâŋ iŋucne mocwâc fuŋkeŋgopeneŋ me? Me ŋic tucnezi eeŋgopieŋ iŋuc erâ ŋoŋerao fisirâ bâbâmiriŋ papia moc ŋowatueŋgopeneŋ? Me ŋoŋe moc qâreŋkerâ nâreeŋgopieeŋ?
2 Iŋuc aricne, papia-nâŋec i ŋoŋe hâcne. Erâ papia I maŋŋeŋicko qâreŋkekicne, ŋic mâmâc sasawa hone wosec eene.
3 Nâŋe ŋoŋerao gie bapene Kristore papia embiŋ, irec fuŋne tâtâc fokac. Erâ papia i tiŋtezi mi qâreŋkekicne, i Anutu jujune ere Mârozi qâreŋkewec, tafe omanao mâcne, ŋicmaŋ tafeo qâreŋkewec.
4 Qacfiric dâŋ iŋucne ine Kristore erâ Anutu manasiŋkepene fonârekac.
5 Gie fârine moc nâŋe nâŋâcnaonec fuaekac iŋuc mu manasuc enaŋte ropaŋ mi fonârekac,wiac epene bibiaŋkene i Anuturaonec sasawa.
Miti giezi eri tatamachec
6 Anutu eki hâcne bašawiec-nâpome šâšâfic ɋâricnere gie baeŋgopeneŋ. I dâŋqâreŋte giene mâcne, i Mârore gie. Dâŋqâreŋzi hâcne sisipiric bâfua-nâreekac, â Mârozi ine juju bâfua-nâreekac.
7 Miti gie raŋɋane,sisipiricte biŋe mumu hâcne, i qorac tapao qâreŋkekicne, erâ gie i sifu tatamac tâmiric mi fowec. Irec hâcne Mosere šâŋe maio tatamac hâhâwicne fome Israe ŋic jaŋe wemocko ira firâ honenšapiŋ. Erâ tatamac i fofone mâcne.
8 Miti gie raŋɋanere tatamac iŋuc hâcne fowec.Ehame wemocko miti gie ɋâricne, Mârore biŋe mumu, i tatamac tâmiric foocmu?
9 Sisipiricte biŋe mumu irec giezi tatamac wawahanehec, â kiŋfâsâc eere biŋe mumu irec giezi tatamac fekicne sâkohec.
10 Gie raŋɋanere tatamac i gie ɋâricnere tatamac sâkozi sâockeme weaŋkeekac.
11 Wiac fotâmireweczi mârâc tatamacnehec fuawec, â wiac forašihuc jujune irec tatamaczi ine fekicne sâko.
Maŋfoŋ i Wofuŋzia bararuŋkeekac
12 Mamanac-nâŋec iŋuc fokacte gie maŋafec jaha baeŋgopeneŋ,
13 ehuc Mose mi sâckeeŋgopeneŋ. E Israe ŋic jaŋe tatamac rârâriene i fotâmirehame honenšipiŋte šâŋe maine foŋkewec.
14 Eme maŋjeŋic sanaŋkewecte miti raŋɋanezi wâc foŋnehec eweczi eekac. Irec wose manac ehuc mi mana taraeŋgopieŋ. Erâ foŋ i mâc mi raruŋkeocmu, Kristo e mocjahazi bararuŋkeocmu.
15 Jaŋe dameŋ šiŋuczia Mosere dâŋqâreŋ woseeŋgopieŋ sâc maŋjeŋic foŋnehec eekac.
16 Jaŋe maŋjeŋic bârisierâ Wofuŋ maickepie izia foŋ i firue-jareocmu.
17 Wofuŋ e Mâro rune, eme Wofuŋte Mârozi juekacko wiac omaraŋ foekac.
18 Nâŋâc ine šâŋe mai-nâŋec foŋ tâmiric fokacte Wofuŋte tatamaczi âke tamaec-nâpome bâtikiepene wefuekac,ehuc Wofuŋte hawari sâc erâ tatamacheczi tatamachec eeŋgopeneŋ. I Wofuŋ Mâro ere mâsi.