18
Cee hinkantoo kaŋ Bildad na šennoo zaa
1 Bildad, Šuwa boraa zaabi ka nee:
2 «Hala waati foo no war ga fay nda šenney wey?
Wa miile, ir ma šelaŋ.
3 Macin se war gʼir dii sanda adabbayaŋ?
Macin se war se saamayaŋ ti ir?
4 Ayuba, nʼga ni boŋ maray nda ni futuroo,
ni maaganda se laboo ga naŋandi wala?
Ni se tondi ga hun dogoo ra?
5 Boro laala gaayoo ga ben,
nuunaa kaŋ ga gaay tee a ra ga ben.
6 Gaayoo ga tee kubay nga gorodogoo ra,
nga fitillaa ga buu a boŋ.
7 Gaaboo kaŋ nda a ga dira, diraa ga kaa ka yay,
nga boŋ hayey no mʼa kaŋandi.
8 Zama cewey gʼa cahãndi ka huru sankay ra,
kumsaa moɲey ra a ga dira,
9 Ceekoroo nda kumsaa gʼa dii,
lamtaa karfey gʼa dii.
10 Karfoo kaŋ gʼa batu ga tugu laboo cire,
kumsaa hirrandi nga fondaa ga.
11 Nongoo kul here hunburay ga kaŋ a boŋ,
a ga hanga a cee nda cee.
12 Heraa na nga gaaboo kaccandi,
bone goo jeroo ga.
13 Kuuroo nonguyaŋ ka ŋandi,
wirci kaŋ ga wiiya ga nga nongey ŋaa.
14 I nʼa cendi ka hun gorodogoo ra kaŋ ga a ga tammahã,
i nʼa ka koy bone kokoyoo do.
15 Nʼga hin ka cindi nga hugoo ra,
zama a sʼa may koyne,
i ga ganjibaali say-say nga gorodogoo ra.
16 Nga linjey ga kogu laboo cire,
nga fitawey ka suugu beenehere.
17 Borey si yee koyne ka hongu a gandaa ra,
Maaɲoo si yee ka fatta.
18 I nʼa kaa gaayoo ra ka koy kubaa ra,
I gʼa gaaray a ma hun aduɲɲa ra.
19 A sii nda hayraa, a sii nda hayyaŋ nga jamaa ra,
boro hunante sii nongoo kaŋ ra a taabuši.
20 Waynakaŋay borey ga alaabiina nda woo kaŋ duu a,
Waynahunay borey ga too nda hunburay.
21 Woo ti hayaa kaŋ duu boro laaley hugey,
woo ti borey kaŋ si Irkoy bay dogoo.»