5
1 ⵓⵔ ⵜⴹⵔⵔⵎ ⵎⴹⵔⵢⵏⵏ ⵢ ⴹⵓⵏⵏⴾⵜⵀⵏ ⴹⵗ ⵜⵍⵗⴰ ⵏⵤⵎⵏ ⵓⵍⴰ ⵙⵗⵜ ⵜⴰ ⴹⵗ ⵤⴶⵏ ⵔⵜⵏ ⵓⵏ⵰
2 ⴼⵍⵙ ⵜⵙⵏⵎ ⵎⵏⵓⵏ ⵙ ⵤⵍ ⵓⴰ ⵍⴾⵎⵏ ⴹⴶⵓ ⵙⴰ ⵓⵔ ⵏⵍⴰ ⵛⵙⵏⴼⵔⵢ ⵤⵏ⵿ⴹ ⵀⵢⴹⴶ ⴹⴹⵍⵏ ⵂⴹ⵰
3 ⵙ ⵏⵏ ⵢⵜⴹⵏ «ⴾⵜ ⵍⵈⵔ ⴾⵜ ⵀⴰ ⵏ⵿ⵜⵤⴾ ⵓⵍⵢⵜ»⵰ ⵎⵤⵢ ⵓⵏ ⴹⴰ ⴹⵗ ⴼⵍⵙⵏ ⴹⵤⵤⵀⵜ ⵍⵓⵀⴰ ⵂⵏ ⵙⵎⵍ ⵏ⵿ⵜⵍⵓⵢⵜ ⵜⴰ ⴹⵜⵜⵙⵜ ⵜⵏ⵿ⵜⵜ ⵜⵜⴶⵤⵜ ⵎⵤⵔ ⵎⵔⵏ ⵓⵔ ⵤⴼⵔⴶⵏ ⴹⵔⴶ ⵢⵙ⵰
4 ⵎⵛⵏ ⴾⵓⵏⵢ ⵎⴹⵔⵢⵏⵏ ⵓⵔⴶ ⵛⵢⵢ ⵜⵂⵎ ⵏ⵿ⴶⵎ ⴹⵓⵏⵜⴶⵓ ⵤⵍ ⵓⴹⵢ ⵜⵗⴹⵔ⵿ⵜ ⵜⵏ ⵀⵢⴹⴶ⵰
5 ⵏ⵿ⵜⴰ ⴾⵜⵏⵓⵏ ⵙ ⵜⵎⵙⵎ ⵀⵔⵔⵏ ⵏⵏⵔ ⵜⵎⵙⵎ ⵀⵔⵔⵏ ⵏⵤⵍ ⵓⵔⵎⴹ ⴹⵏⵗⵍⴰ ⵂⴹ ⵤⴰ ⵓⵔ ⴹⵏⵗⵍⵏⵜ ⵛⵢⵢ⵰
6 ⴹⵗ ⴹⵢ ⴹ ⵓⵔ ⵏⵜⴶⵓ ⵜⵙ ⵓⴰ ⵜⴶⵏ ⵢⵜⴹⵏ ⵓⵏ ⵂⴹⵜⵏⵏ ⴾⵍⵔ ⵏⵆⵍⵜ ⵢⵜⴹⵏ ⴾⵢⵏⵏ ⵙ ⴾⵍⴾ ⵏⵔⵜ ⵜⴼⵏ ⴹⵗⵙ ⵍⵓⵙⵜ⵰
7 ⵓⵏ ⵏⵙⵏⵏ ⵂⴹ ⴹ ⵏⵙⵏ ⵎⵔⵏ ⵓⵏ ⵜⵎⵙⵓⴹⵏⵏ ⵂⴹ ⴹ ⵙⵎⵙⵓⴹⵏ ⵎⵏⵙⵏ⵰
8 ⵎⵛⵏ ⵏⴾⵏⵢ ⵎⵙⵏⵏ ⵏⵔ ⵏⵆⵍⵜ ⵢⵜⴹⵏ ⵜⴼⵏⵏ ⵍⵓⵙⵜ ⴹⵗ ⵔⵜ ⴾⵍ ⵜⵤⵔ ⵏⴶⵓ ⵤⴶⵤⵏ ⴹⵜⵔⴰ ⵗⵔ ⵍⵙⵏ ⴹⵎⵔⵏⵏⴰ ⵆⵍⵏⴰ ⴹⵗ ⵜⵎⴰ ⵏⴼⵙⵏ ⵓⴰ ⵏⴶⴰ ⵜⴾⵀⵜ ⵏ⵿ⵜⵤⵍⵢ ⵜⵏ ⵎⴶⵔ
9 ⴼⵍⵙ ⵎⵛⵏⴰ ⵓⵔ ⴹⵏⵗⵜⵙ ⵜⵎ⵿ⵙⵢ ⴾⵍⵔ ⴼⵙⵏ ⴹⵏⵗⵜⵙ ⵙ ⵜⵔⵢⵜ ⵏⵎⵍⵏⵏⴰ ⵗⵢⵙⴰ ⵍⵎⵙⵈ
10 ⵀⴰ ⴼⵍ ⴹⵍⵍⵏⵏⴰ ⴼⵍ ⴹ ⵆⵍ ⵙ ⵏⴹⵓ ⴹⵔⵙ ⴹⵗ ⵜⵎⴹⵔ⵿ⵜ ⴶⵔ ⵤⴰ ⵏⴹⵔ ⵓⵍⴰ ⴹⵗ ⵀⵏⴰ⵰
11 ⵓⵏ ⴹⴰ ⴼⵍⵙ ⴾⵢⵏ ⴹⵗⵓⵏ ⵙⵙⵎⴹⵜ ⵓⵍ ⵏⵎⴹⵏⵜ ⵜⵏⵎⴹⵂⵍⵎ ⴶⵔⵓⵏ ⴹⵗ ⵛⵜⵢ ⵏⵤⴶⵤⵏⵓⵏ ⵤⵏ ⵓⴰ ⴹⴰ ⵜⵜⴶⵎ ⴾⵍⴰ ⴹⴰ⵰
ⵏⵙⵈⴰ ⵓⴰ ⵍⴾⵎⵏ
12 ⵏⴶⵎⵢ ⴹⵗⵓⵏ ⵢⴰ ⵎⴹⵔⵢⵏⵏⴰ ⴹ ⵜⵜⴶⵎ ⴾⵏⵏ ⵍⵗ ⵢⵢⵜⴹⵏ ⵓⵏ ⴹⵗⵓⵏ ⵛⵗⵍⵏⵏ ⴹ ⵎⵍⵢ ⴹⵓⵏ⵿ⵜⵏ⵿ⴹⵙⵏⴼⵔⵏⵏ ⵢⴹⵓⵏⵤⵔⵏ ⴶⵏ⵿ⴾⵓⵏ ⴹⵗ ⵜⵔⵢⵜⵏⵜ⵰
13 ⵏⴶⵎⵢ ⴹⵗⵓⵏ ⴹⵙⵏ⵿ⵜⴶⵎ ⵙⵗⵎⵔ ⴶⵏ ⴶⵏ ⵙ ⵜⵔⴰ ⴼⵍ ⵛⵗⵍ ⵓⴰ ⵜⴶⵏ⵰ ⵎⵍⵜ ⵍⵈⵔ ⴶⵔⵓⵏ⵰
14 ⵏⴶⵎⵢ ⴹⵗⵓⵏ ⴹⵗ ⵎⴹⵔⵢⵏⵏⴰ ⴹ ⵜⵔⵆⵎⵎ ⵢⵢⵜⴹⵏ ⵓⵏ ⵎⵙⵏ⵿ⴹⴹ ⵜⵜⴶⵎ ⵏⵙⵈⵜⵏ ⵍⵗⵏⵏ ⵢ ⵓⵏ ⴾⵙⵏⵏ ⵎⵏ ⵜⴹⵂⵍⵎ ⵏⵔⴾⵎ ⵜⵆⵍⵎ ⵎⵤⵤⵢⴹⵔ ⵢⵢⵜⴹⵏ ⴾⵍ⵰
15 ⵜⵓⵔⵎⵍ ⵓⴹⵏ ⵤⵤⵍⵏ ⵜⴾⵎⴰ ⵙⵢⵜ ⴾⵍⵔ ⴶⵎⵢⵜ ⴼⵓ ⴶⵢ ⵏⵓⴰ ⵍⵗⵏ ⴶⵔ ⵤⴰ ⴶⵔⵓⵏ ⴾⵓⵏⵢ ⵎⵏⵓⵏ ⵓⵍⴰ ⴹⵗ ⴶⵔⵓⵏ ⴹⵓⴹⵏ ⵆⵍ⵰
16 ⵆⵍⵜ ⵢⵜⴹⵏ ⵙ ⴼⵓ ⴼⵍⵓⵙⵏ⵰
17 ⴹ ⵓⵔ ⵜⵎⵤⵢⵎ ⴹⴶⵢ ⵏ⵿ⵜⵓⵜⵔⵓⵏ⵰
18 ⴾⵍⴾ ⵏⵍⵈⵍⵜ ⴼⵍⵓⵏ ⵜⴶⵜ ⴹ ⵜⵜⴶⴹⵢⵎ ⵢ ⵎⵛⵏⴰ⵰ ⵏ⵿ⵜⴰ ⴹⵢ ⴹⴰ ⵔⵜ ⵓⴰ ⴼⵍⵓⵏ ⵔⴰ ⵎⵛⵏⴰ ⴼⵍⵙ ⵜⵔ⵿ⵜⵢⵎ ⴹⵗⵢⵙⴰ ⵍⵎⵙⵈ⵰
19 ⴹ ⵓⵔ ⵜⴶⴹⵍⵎ ⵢⵏ⵿ⴼⵙ ⵓⴰ ⵤⴹⴶⵏ ⴾⵓⵏⵙⵎⵍⵓⵍⵓ⵰
20 ⴹ ⵓⵔ ⵜⵜⵍⴾⵎ ⵓⴰ ⴶⵏⵏ ⵍⵓⵍⵜⵏ
21 ⴾⵍⵔ ⵔⵜ ⴾⵍ ⵏⵤⵔⵜ ⴹⵗⵙ ⵜⵜⴼⵎ ⴹⵗⵙ ⵓⴰ ⵍⵗⵏ⵰
22 ⵏⵎⴶⴶⵜ ⴹⵜⴾⵎⴰ ⴾⵜⵏⵜ ⵜⵆⵍ⵰
23 ⵏⴶⵎⵢ ⴹⵗ ⵎⵛⵏⴰ ⵂⴾⵏ ⵍⵈⵔ ⴹⵓⵏⴶⵓ ⵤⵤⴹⴶ ⴾⵎⵍⵏ ⵏ⵿ⵜⴰ ⵎⵏⵜ ⴶⵤⴾⵓⵏ ⵎⴾ ⵓⴰ ⵜⵎⵙⵎ ⴶⵔ ⵎⵏⵓⵏ ⵓⵍⴰ ⵓⵍⵏⵓⵏ ⵓⵍⴰ ⵜⵗⵙⵏⵓⵏ ⵜⵆⵍⵎ ⵢⵜⴹⵏ ⵙ ⵜⵓⵔⵍⴰ ⵢ ⴼⵔⴶⵏ ⵙⵔⵙⵏ ⵏⵓ ⵔⴾ ⵔⵜ ⵂⵔ ⴹⵙⵓ ⵎⵍⵢ ⵗⵢⵙⴰ ⵍⵎⵙⵈ⵰
24 ⵎⵛⵏⴰ ⴾⵓⵏ⵿ⴹⵗⵔⵏ ⵙ ⵎⵏⵜ ⵍⵗⴹⵍ ⵎⵙ ⵎⵔⵏ ⵏ⵿ⵜⴰ ⵤⴶⵏ ⴹⵢ⵰
ⵙⵍⵎⵏ
25 ⵜⵜⵔⵜⵏⵗⵏ ⵎⴹⵔⵢⵏⵏⴰ
26 ⵙⵙⵍⵎⵜⵏ ⵎⴹⵔⵢⵏⵏⴰ ⴾⵍ ⵜⵙⴾⵏⵎ⵿ⵜⵏⵏ ⵜⵔⴰ ⵜⵏ ⵜⴹⵜ⵰
27 ⴶⵎⵢⴰ ⴹⵗⵓⵏ ⴼⵍ ⴹⵎ ⵏⵎⵍⵢ ⴹ ⵜⵗⵔⵎ ⵛⵔⵓⵜ ⵜⴰ ⵢ ⵎⴹⵔⵢⵏⵏⴰ ⴾⵍ⵰
28 ⵤⵤⵀⵜⴹⵓ ⴼⵍⵓⵏ ⵎⵍⵏⵏⴰ ⵗⵢⵙⴰ ⵍⵎⵙⵈ ⵔⵈⵎⵜⵏⵜ⵰