ⵛⵔⵓⵜ ⵜⵏ ⵙⵏⵜⵜ ⴾⵜⵀ ⵀⵍⵙ ⵢ ⴾⵍ⵿ⵜⵙⵍⵏⴾ
1
ⵙⵍⵎⵏ
1 ⵛⵔⵓⵜ ⴹⵏ⵿ⵜⴼⵍⵜ ⵏⴾ ⵀⵍⵙ ⴹⵙⵍⴼⵏⵙ ⴹⵜⵎⵜⵢ⵰ ⵏⵂⵍⵏ ⵍⴾⵏⵙⵜ ⵜⵏ ⵗⵔⵎ ⵏ⵿ⵜⵙⵍⵏⴾ ⵜⵎⵙⵜ ⵜⵎⵜⵢ ⵜⵔ⵿ⵜⵢⵜ ⴹⵎⵛⵏⴰ ⴹⵢ ⵏⵀⵏⵏⴰ ⴹⵎⵍⵢ ⵗⵢⵙⴰ ⵍⵎⵙⵈ⵰
2 ⴾⴼⵓⵏ ⵎⵛⵏⴰ ⴹⵢ ⵏⵀⵏⵏⴰ ⴹⵎⵍⵢ ⵗⵢⵙⴰ ⵍⵎⵙⵈ ⵔⵈⵎⵜ ⴹⵍⵈⵔ⵰
ⵛⵔⵗⴰ ⵓⴰ ⵤⴶⵏ ⵗⵔ ⵜⵓⵗⵍⵢ ⵏⵍⵎⵙⵈ
3 ⵎⴹⵔⵢⵏⵏⴰ ⵓⵔⵏⴰ ⴹ ⵏⵜⴶⴹⵢ ⵢ ⵎⵛⵏⴰ ⴼⵓ ⴹⵗ ⵜⵍⵗⵏⵓⵏ⵰ ⵎⵙ ⴹⵢ ⵔⵜ ⵙ ⵏⵂⴶⴰ ⵜⵏⴶⵓ ⴼⵍⵙ ⵤⴶⵤⵏⵓⵏ ⵜⵜⵢⵏ ⵓⵍⵏ ⵜⵜⵢ ⵏ⵿ⵜⴹⴰ ⵏⵎⵔⵏⵓⵏ⵰
4 ⴹⵢ ⴹⴰ ⴼⵍⵙ ⵏⴾⵏⵢ ⵎⵏⵏⴰ ⵏⵙⵏⵎⵍ ⴼⵍⵓⵏ ⴹⵗ ⵍⴾⵏⵙⵜⵏ ⵛⵏ ⵂⴹⵜⵏⵏ ⵏⵎⵛⵏⴰ⵰ ⵏⵎⵍ ⵤⵎⵔⵜⵏⵓⵏ ⴹⵤⴶⵤⵏⵓⵏ ⴹⵗ ⵜⵓⴹⴶⵤ ⴾⵍ ⵓⴰ ⵜⵜⵓⴶⵎ ⴹⵔⴾⵏⵢ ⵓⴰ ⵜⵏⵢⵎ⵰
5 ⵙⵜⴹⴰ ⴹⵢ ⵆⴹ ⵏⵛⵔⵗⴰ ⵏⵎⵛⵏⴰ ⵎⵔⵏ ⴹⵢ ⴹⴰ ⴾⵓⵏ⵿ⵤⵙⵂⵔⵏ ⴹⵜⵗⵎⵔⵏⵜ ⵜⴰ ⴼⵍ ⵜⵏⵢⵎ ⵔⴾⵏⵢ⵰
6 ⵔⵜ ⵗⴹⵏ ⵗⵔ ⵎⵛⵏⴰ ⵎⵙ ⴹ ⵤⵤⵍ ⴹⵗ ⵓⵏ ⴾⵓⵏ⵿ⵤⵗⵤⵀⵏⵏ⵰
7 ⵎⵔⵏ ⴾⵓⵏⵢ ⵓⵏ ⵜⵗⵤⵀⵏⵏ ⵎⵔⴹⴰ ⴾⵓⵏⴾⴼⵓ ⵜⵙⵙⵎⵜ ⴾⴼⵏⵆⵜ ⵏⴾⵏⵢ ⴹⴰ⵰ ⵔⵜ ⵓⴰ ⴹ ⴶⵓ ⵙⵗⴰ ⵓⴰ ⴹⵤⵏⴼⵍⵍ ⵗⵢⵙⴰ ⵍⵎⵙⵈ ⴼⵍⴹⵓ ⵌⵏⵓⵏ ⵏ⵿ⵜⴰ ⴹⵏ⵿ⴶⵍⵙⵏⵜ ⵍⵏⵏ ⵜⵔⵏⴰ
8 ⴹⵗ ⵎⵙ ⵏ⵿ⵜⵎ⵿ⵙⵢ ⵜⵀⵍⴶⵍⴶⵜ ⴼⵍ ⴹ ⵓⴹⵀ ⵢⵜⴹⵏ ⵓⵏ ⵓⵔ ⵏⵙⵏ ⵎⵛⵏⴰ ⴶⵢⵏ ⵙ ⵍⴾⵎ ⵢⵍⵏ⵿ⵌⵍ ⵏⵎⵍⵏⵏⴰ ⵗⵢⵙⴰ ⵍⵎⵙⵈ⵰
9 ⵜⴹⵀⵏⵙⵏ ⴹ ⵆⵍ ⵂⵍⴾ ⵗⵍⵍⵏ ⵏⵎⴶⴶⵏ ⴹⵎⵍⵏⵏⴰ⵰ ⵓⵔ ⴹⵙⵏⵍⴾⵎ ⵏⵢ ⵏ⵿ⵜⵏⵢⴰ ⵏ⵿ⵜⵔⵏⵏⵜ⵰
10 ⴹⵢ ⴾⵍ ⴹ ⴶⵓ ⵤⵍ ⵓⴰ ⴹⵤⵤⵀⵜ ⵗⵢⵙⴰ ⵂⴰ ⵎⵙ ⵏⵢⵜⴹⵏ ⵓⵏ ⵎⵤⴹⴶⵏ ⴹⵓⵏ ⵙⵔⵙ ⵤⴶⵤⵏⵏ ⴾⵍ ⴼⵍ ⴹ ⵜⵙⵗⵎⵔⵏ ⴹ ⵜⵎⵍⵏ⵰ ⴾⵓⵏⵢ ⴹⴰ ⵜⵏ⵿ⵜⴶⵤⵎ ⵤⵍ ⵓⴹⵢ ⴼⵍⵙ ⵜⵤⴶⵤⵏⵎ ⵙⵍⵏ ⵓⵏ ⴹⵓⵏⴶⴰ⵰
11 ⴹⵢ ⴼⵍ ⴹⵓⵏⵜⵏ⵿ⵙⵢ ⵎⵍⵏⵏⴰ ⴼⵓ ⴾⵓⵏⵙⵂⵔⵏ ⴹⵜⵔⵢⵜ ⵜⴰ ⴹⵆⵓⵏ ⴶⴰ⵰ ⵏⴶⵎⵢ ⴹⵗⵙ ⴹ ⵙⵏ⵿ⴹⵓ ⵙ ⵜⵔⵏⵏⵜ ⴹⵔⵏⵏⵓⵏ ⴾⵍ ⵓⵏ ⵍⵗⵏⵏ ⴶⵓ ⴹⵗ ⵤⴶⵤⵏⵓⵏ ⵔⵜ ⵜⵂⴰ ⵜⵏ⵿ⴼⴰ⵰
12 ⴹⵢ ⴹ ⵤⴰ ⵜⵙⵗⵎⵔⵎ ⵙⵎ ⵏⵎⵍⵏⵏⴰ ⵗⵢⵙⴰ ⵙⵗⵎⵔⴾⵓⵏ ⵏ⵿ⵜⴰ ⴹⴰ ⵙⵔⵈⵎⵜ ⵏⵎⵛⵏⴰ ⴹⵎⵍⵏⵏⴰ ⵗⵢⵙⴰ ⵍⵎⵙⵈ⵰