1 نَ دَنفِ شَنبِ، ﭑ نَشَ مَلٍكّ فبّتّ تٌ فٌرٌ رَ كٍلِ كٌورٍ مَ. نْي شُنفبٍ نُ نَ عَ يِ، عَ شَ نْرّ نَشَ دُنِحَ عِيَلَن. 2 عَ نَشَ عَ قَلَ عَ شُي عِتٍشِ رَ، «بَبِلْن شُنفبٍ بَرَ بِرَ. بَبِلْن بَرَ بِرَ، عَ بَرَ قِندِ حِننّيٍ شْنيِ رَ، حِننّ سّنِيّنتَرٍيٍ نُن شْنِ رَهَرَ مُشِيٍ لُمَ دّننَشّ. 3 عَ كَنَشِ نّ بَرِ مَ سِ بِرِن بَرَ بِرَ عَ شَ قٍ حَاشِيٍ قْشْ رَ. دُنِحَ مَنفّيٍ بَرَ لُ عَ سّيتِ مَ عَ شَ وَلِ كٌبِ كُي. دُنِحَ يُلّيٍ قَن بَرَ بَننَ عَ وَشْنقٍ سَابُي رَ. عٍ بِرِن لُشِ نّ عَلْ سِيسِلَيٍ.»

4 ﭑ نَشَ شُي فبّتّ مّ كٍلِ كٌورٍ مَ عَ قَلَقٍ رَ، «ﭑ مَ حَمَ، وٌ شَ مِنِ عَ يَ مَ، عَلَكٌ وٌ قَن نَشَ لُ عَ شَ يُنُبِيٍ كُي، وٌ شَ عَ شَ تْورّ قَن سْتْ. 5 عَ شَ يُنُبِيٍ بَرَ فبٌ عَ فبٍفبٍ رَ. عَلَ بَرَ رَتُ عَ شَ تِنشِنتَرٍيَ بِرِن مَ. 6 وٌ شَ عَ شَ وَلِ سَرٍ رَفبِلٍن عَ مَ دْشْ قِرِن. عَ نَشَن نَبَشِ وٌ رَ، وٌ شَ نَ رَبَ عَ تَن قَن نَ دْشْ قِرِن. 7 عَ وَشْنقٍ شُن تٌ نُ مَسَشِ تّمُي بِرِن، وٌ قَن شَ عَ شَ تْورّ شُن مَسَ نَ كِ، عَ شَ سُننُن، بَرِ مَ عَ عَ قَلَ نّ عَ بْحّ كُي، ‹مَنفّ فِنّ نَن ﭑ نَ. كَاحّ فِنّ مُ نَ ﭑ نَ، ﭑ مُ لُمَ سُننُنيِ كُي عَبَدَن.› 8 نَ مَسٍنيِ شَ قٍ رَ، عَ قَمَ يِ فبَلٌي تٌدٍ لْشْي كٍرٍن؛ قَشّ، سُننُنيِ، نُن كَامّ. عَ فَنمَ نّ تّ رَ، بَرِ مَ مَرِفِ عَلَ سّنبّمَ نَن عَ مَكِيتِشِ.»

9 دُنِحَ مَنفّ بِرِن نَشٍيٍ بَرَ بِرَ عَ شَ قٍ حَاشِيٍ نُن عَ وَشْنقٍيٍ قْشْ رَ، عٍ قَمَ نّ وَدٍ. عٍ نَ عَ تٌ عَ شَ تَا نَ فَنقٍ، عٍ سُننُنمَ نّ. 10 عٍ لُ يِرٍ مَكُيٍ بَرِ مَ عٍ فَاشُشِ عَ شَ تْورّ يَ رَ. عٍ نُ قَ عَ قَلَ، «حَشَنكَتّ نَ بَبِلْن بّ. حَشَنكَتّ نَ نَ تَا شُنفبٍ سّنبّمَ بّ. عَ بَرَ مَكِيتِ لّيرِ كٍرٍن بُن مَ.»

11 دُنِحَ يُلّيٍ وَ مَ نّ عَ شَ قٍ رَ، عٍ سُننُنمَ نّ، بَرِ مَ مِشِ مُ نَ نَشَن عٍ شَ كٌتٍيٍ سَرَ مَ سْنْن، 12 كٌتٍ نَشَن قِندِشِ شّيمَ رَ، فبٍتِ، فّمّ تٌقَنيِيٍ، دُفِ فّسّ دَاشِ، دُفِ فبٍيلِ، وُرِ قَنيِ، سِلِ حِنيِ مَسٌلِشِ، وُرِ قَنيِ مَسٌلِشِ، يْشُي، وُرٍ، فّمّ شْرْشْي، 13 دٌنسٍ حْشُنمّ، سُرَيِ مْولِ بِرِن، لَبُندّ، وّنِ، تُرٍ، قَرِن قَنيِ، نِنفٍيٍ، يّشّييٍ، سٌييٍ، سْورِ رَفِسٍيٍ، نُن كٌنيِيٍ. 14 «عِ وَشْنقٍ بِرِن بَرَ مَكُيَ عِ رَ، نَ سٍ قَنيِيٍ بَرَ لْي عِ مَ. عِ مُ نٍيٍ سْتْمَ سْنْن.» 15 يُلّ نَشٍيٍ بَننَشِ عَ سَابُي رَ، عٍ قَن لُمَ نّ يِرٍ مَكُيٍ، بَرِ مَ عٍ فَاشُشِ عَ شَ تْورّ يَ رَ. عٍ وَ مَ نّ، عٍ لُ سُننُنيِ كُي. 16 عٍ نُ عَ قَلَ، «حَشَنكَتّ نَ نَ تَا شُنفبٍ بّ، حَشَنكَتّ نَ عَ بّ، نَشَن نُ وَ مَ دُفِ قِيشّ، دُفِ فبٍيلِ، شّيمَ، نُن فّمّ تٌقَنيِيٍ شْن.»

17 عَ شَ نَاقُلِ بِرِن بَرَ كَنَ نَ وَشَتِ كٍرٍنيِ كُي. كُنكُي رَحّرّيٍ نُن مِشِ نَشَن بِرِن كُنكُي وَلِ ندٍ رَبَمَ، عٍ لُمَ نّ يِرٍ مَكُيٍ، 18 عٍ قَ عَ قَلَ عٍ شُي عِتٍشِ رَ نَ تَا شُنفبٍ فَنشِ يَ رَ، «يِ تَا، عَ مَنِيّ مُ نَ.» 19 عٍ قَمَ نّ شُبٍ مَسٌدٍ عٍ شُنيِ مَ، عٍ وَ، عٍ لُ سُننُنيِ كُي، عٍ عَ قَلَ، «حَشَنكَتّ نَ نَ تَا شُنفبٍ بّ، حَشَنكَتّ نَ نَ تَا بّ كُنكُي كَنيِيٍ بَننَشِ دّننَشّ. نَ تَا بَرَ قِندِ فبٍنفبٍرٍنيِ رَ نَ وَشَتِ كٍرٍنيِ كُي.»

20 «نَشٍيٍ نَ كٌورٍ، وٌ شَ حّلّشِن نَ تَا شَ حَشَنكَتّ شَ قٍ رَ. سّنِيّنتْييٍ، عَلَ شَ شّيرَيٍ، نُن نَمِحْنمّيٍ، وٌ تَن شَ حّلّشِن، بَرِ مَ عَلَ بَرَ وٌ فبٍحْشْ.» 21 نَ تّمُي مَلٍكّ سّنبّمَ ندٍ نَشَ فّمّ شُنفبٍ تٌنفٌ نَشَن نُ لُشِ عَلْ سٍ لُشُتَسٍ، عَ نَشَ عَ وٌلِ بَا مَ عَ قَلَقٍ رَ، «بَبِلْن تَا شُنفبٍ بِرَ مَ نّ عَ حَاشِ رَ عَلْ يِ فّمّ. مِشِ مُ عَ تٌمَ سْنْن.»

22 «عِ شَ سِفِيٍ مُ مّمَ سْنْن، نَشٍيٍ سَمَ كْرَ، شُلٍ، نُن سَرَ شُي رَ. وَلِ شُي مُ مِنِمَ عِ شْنيِ سْنْن، مَالٍ دِن شُي قَن مُ لُمَ عِ شْنيِ سْنْن. 23 لَنثُي شَ نَءِيَلَنيِ مُ تٌمَ عِ شْنيِ سْنْن. قُتِ شِرِ مَيٍ شَ حّلّشِن شُي مُ مّمَ عِ شْنيِ سْنْن، بَرِ مَ عِ شَ يُلّيٍ نُ بَرَ قِندِ مِشِ شُنفبٍيٍ رَ دُنِحَ، عِ بَرَ سِ بِرِن نَتَنتَن عِ شَ قٍ حَاشِيٍ سَابُي رَ. 24 نَمِحْنمّيٍ نُن سّنِيّنتْييٍ وُلِ بَرَ مِنِ عِ شْنيِ، عَ نُن نَشٍيٍ كْن بَرَ رَشَبَ بْشِ مَ.»