1 نَ تٌ دَنفِ، ﭑ نَشَ حَمَ شُنفبٍ شُي مّ كٌورٍ مَ عَ قَلَ رَ، «عَلَ تَنتُ. كِسِ، شُننَكٍلِ، نُن سّنبّ نَ مُشُ مَرِفِ عَلَ بّ، 2 بَرِ مَ عَ شَ كِيتِ تِنشِن، عَ قِندِشِ نْندِ نَن نَ. عَ بَرَ لَنفٌي فِنّ مَكِيتِ، نَشَن نُ بَرَ دُنِحَ رَتَنتَن عَ شَ قٍ حَاشِيٍ رَ. عَلَ بَرَ عَ شَ كٌنيِيٍ وُلِ فبٍحْشْ عَ مَ.»

3 حَمَ مَن نَشَ عَ قَلَ عَ قِرِن ندٍ، «عَلَ تَنتُ. بَبِلْن تُورِ تٍمَ نّ عَبَدَن.»

4 نَ قٌرِ مْشْحّن نُن نَانِ، نُن نَ نِمَسٍ نَانِ نَشَ عٍ قٍلٍن بْشِ، عٍ عَلَ بَتُ نَشَن نُ مَفٌرٌشِ كِبَنيِ كُي، عَ قَلَقٍ رَ، «عَمِنَ، عَلَ تَنتُ.»

5 شُي ندٍ نَشَ مِنِ كِبَنيِ، عَ قَلَقٍ رَ، «عَلَ شَ كٌنيِيٍ، وٌ شَ وٌن مَرِفِ عَلَ مَتْشْ، وٌ تَن نَشٍيٍ فَاشُ عَ يَ رَ، وٌ تَن دِ مّيٍ نُن قٌرِيٍ.»

6 ﭑ نَشَ حَمَ شُنفبٍ شُي مّ نَشَن سّنبّ فبٌ عَلْ شُرٍ وُندُ شُي، شَ نَ مُ عَ رَ فَلَنيِ شُي. عٍ نَشَ عَ قَلَ، «عَلَ تَنتُ، بَرِ مَ عَلَ سّنبّ كَنيِ، وٌن مَرِفِ عَلَ بَرَ سٌ عَ شَ مَنفّيَ كُي. 7 وٌن شَ سّيوَ، وٌن شَ حّلّشِن، وٌن شَ عَ بِنيَ، بَرِ مَ يّشّييْرّ شَ قُتِ شِرِ تّمُي بَرَ عَ لِ. عَ نَشَن دْشْمَ، عَ بَرَ فّ عَ يّتّ يَءِلَندٍ. 8 عَ نَشَن دْشْمَ عَ بَرَ دُفِ قِيشّ تٌقَنيِ رَفٌرٌ عَ مَ، نَشَن مِسَالِشِ سّنِيّنتْييٍ شَ كّوَلِ تِنشِنشِيٍ رَ.»

9 مَلٍكّ نَشَ عَ قَلَ ﭑ بّ، «عِ شَ عَ سّبّ، ‹حّلّشِنيِ نَ مِشِيٍ بّ نَشٍيٍ مَشِلِشِ يّشّييْرّ شَ قُتِ شِرِ مَلَنيِ.›» عَ نَشَ عَ قَلَ ﭑ بّ، «عَلَ شَ نْندِ نَن نَ كِ.» 10 ﭑ نَشَ ﭑ شِنبِ سِن عَ بُن مَ ﭑ شَ عَ بَتُ، كْنْ عَ نَشَ عَ قَلَ ﭑ بّ، «عَدٍ، عِ نَشَ نَ رَبَ. ﭑ قَن قِندِشِ عَلَ شَ كٌنيِ نَن نَ عَلْ عِ تَن نُن عِ نفَشَكٍرٍنيِ نَشٍيٍ بَرَ لَ عِسَ شَ سٍيدٍحْشْيَ رَ. عِ شَ عَلَ نَن بَتُ. عِسَ شَ سٍيدٍحْشْيَ قِندِشِ نَمِحْنمّ شَ مَسٍنيِ شْرِ نَن نَ.»

11 نَ دَنفِ شَنبِ ﭑ نَشَ كٌورٍ تٌ رَبِ رَ، سٌي قِيشّ تِشِ نَ، عَ رَفِمَ شِلِ دُفُتّفّ نُن نْندِ قَلّ. عَ فٍرٍ سٌمَ تِنشِنيِ نَن نَ، عَ كِيتِ سَ تِنشِنيِ كُي. 12 عَ يَيٍ نُ لُشِ نّ عَلْ تّ، مَنفّ كَتَنيِ نَشَن يَءِلَنشِ فّمّ تٌقَنيِ رَ نُ دُ سُشِ عَ شُن نَ. عَ شِلِ سّبّشِ عَ مَ، شِلِ مِشِ يٌ مُ نَشَن كٌلٌن بَقٍ عَ تَن نَ. 13 عَ شَ دُفِ بُندَشِ وُلِ رَ. عَ شِلِ نّ عَلَ شَ مَسٍنيِ. 14 كٌورٍ سْورِ فَلِ نُ بِرَشِ عَ قْشْ رَ عٍ شَ سٌي قِيشّيٍ قَرِ، دُفِ قِيشّ تٌقَنيِيٍ قَن نَفٌرٌشِ عٍ مَ. 15 سَنتِدّفّمَ شّحّنشِ نُ مِنِشِ عَ دّ عِ، عَلَكٌ عَ شَ حَمَنّيٍ فٍرٍ، عَ شَ عٍ يَمَرِ سَوُرِ سّنبّمَ رَ، عَلَ سّنبّ كَنيِ شَ شْنّ شَ كَمَلِ. 16 عَ سّبّشِ عَ شَ دُفِ شُنفبٍ مَ، عَ نُن عَ تَبٍ مَ، «مَنفّيٍ شَ مَنفّ، مَرِفِيٍ مَرِفِ.»

17 ﭑ نَشَ مَلٍكّ تٌ، عَ تِشِ سٌفٍ قَرِ. عَ نَشَ عَ قَلَ عَ شُي عِتٍشِ رَ شْنِ بِرِن بّ نَشٍيٍ نُ نَ كٌورٍ مَ، «وٌ قَ عَلَ شَ شُننَكٍلِ يِرٍ، 18 وٌ شَ مَنفّيٍ سُبٍ دٌن، عَ نُن سْورِ مَنفّيٍ سُبٍ، سّنبّمَيٍ سُبٍ، سٌييٍ سُبٍ، سٌي رَفِيٍ سُبٍ، لَسِرِ نُن كٌنيِيٍ سُبٍ، دِ مّيٍ نُن قٌرِيٍ سُبٍ.»

19 ﭑ نَشَ نَ سُبٍ تٌ، عَ نُن دُنِحَ مَنفّيٍ نُن عٍ شَ سْورِيٍ. عٍ بِرِن نُ مَلَنشِ عَلَكٌ عٍ شَ نَ سٌي قِيشّ رَفِمَ نُن عَ شَ سْورِ فَلِ فٍرٍ.

20 سٌي قِيشّ رَفِمَ نَشَ نَ سُبٍ حَاشِ سُشُ، عَ نُن نَ نَمِحْنمّ وُلٍ قَلّ، نَشَن نُ بَرَ مِشِيٍ مَدَشُ تْنشُمَيٍ رَ، سُبٍ شَ تْنشُمَ نُ سَشِ مِشِ نَشٍيٍ مَ، عَ نُن نَشٍيٍ نُ بَرَ نَ سُبٍ شَ كُيٍ بَتُ. نَ قِرِنيِيٍ بِرِن نَشَ وٌلِ تّ نُن سٌدَ شْورَ. 21 سَنتِدّفّمَ نَشَن نُ مِنِمَ سٌي قِيشّ رَفِمَ دّ كُي، عَ نَشَ بٌورٍيٍ قَشَ، شْنِيٍ قَ عٍ سُبٍ دٌن.