1-5 Than pam al-alangan aak Midian.am anpalana, Joseph.an wampathin nunang ngul aak Egypt.ang. A' nil pam namp Potiphar.angan piiy nunang Joseph.an pam al-alantaman, yipam nil work iiyow nungant. Nil Potiphar.aniya, chief King Pharaoh.antam, wik thak nungantaman kal-kal. Nil God.angana, Joseph.an ma'-aath-aathan work nungantamakaniy. / Nil Potiphar.angan Joseph.an thathan work minaman iiy-iiy-a, nil puth Joseph.pam moom wunp nunang thant pam wanchak, a' yuk way min aawuch nungantamangan wunin. God.angan Joseph.an ma'-aath nunanga, nil puth Potiphar thampangan ma'-aath nunang, puth Joseph.an work nungant iiy-iiy.

6-23 Nil Joseph.an pam thanchiy iiy-iiya. Ngula, nil wanch Potiphar.antaman kaangk wun nungant Joseph.ant a’ thawant, “Ngal ke' maarich kee'il ey?” Puth Joseph.an thawant wanch alantan, “Aw! Potiphar.angan yuk way min ma' ngatharang wanta, nintang ep ya'a, ma' ngatharang ke'am wanta, puth nint wanch nungantamana! Ngay ke' wayaniy iiyinga! puth God.an ngul man kul wampar.”

Wanch Potiphar.antaman ngaa' thon-thon thawant Joseph.antan, “Ngay nintang kaangka!” puth Joseph.an ke' anman thawant. Ngula, Joseph.an work.ak iiy pek aawuch aakanakan, nil wanch Potiphar.antaman angman pokkapang nyiin-nyiin. Nil wanch alangan coat Joseph.antaman ya' wich, a' thawant, “Ngal ke' maarich kee'il ey? Ngay puth kaangk wunangan nungkara!” Nil Joseph.angan coat nungantaman ya' want angman a' yoon penta, kamp mo'. Ngul anpalaniya, wanch thum Potiphar.antaman man kul wampant, a' pech thant pam wanch wiy al-alantan aawuch angan wunin. / “Nil pam anan aak Canaan.aman ke' ngatharang wuniy-a, ngay ngul ya' pechathangan nunanga. Nil puth an-ngulan mo'a. Inan thathiy coat nungantamana!”

/ Nil Potiphar kan-ngulan wamp aakakan-a, nil wanch-kunchangan wik aak-ya'ang waa'ant pam thum-kunchakaniy. Nil Potiphar.antan man kul wampant Joseph.antan. Than putha, Joseph.an jail.ang thenchin nunang. Puth God.angan Joseph.an ke'am wantan, min-min pi'-pi'an nunang jailangan. / Nil pam anan jail.an pi'-pi'-a, min iiy Joseph.ant. Pam alangan Joseph.aniy moom prisoners wiy al-alantaman yumpan.