1 Kin low ekʼit eke kʼuw any: sɛgŋ es abal el ɛm a, sɛgŋ a bʼow ɛw tuↄtuↄ. 2 Tasi ɛm a, agŋ bʼow ↄny ɛl obi cɛ ecʼerur, el os e lawlɛl, safri ↄwl ɛsɛl lel es ɛfuu ab; -li bʼow -lʼel Nyam any ↄbr ɛsɛl ɛtŋ -li kʼow -nʼↄnymn ɛl ɛsɛl ecʼɛlum. -Li kʼow -lʼuwmn bia ↄŋ any; -li kʼow -nʼↄnymn Nyam ecʼów a ecʼɛlum. 3 -Li bʼow -lʼel agŋ ekʼↄny ɛrm tuↄtuↄ, ↄnym sↄrŋ ikŋ, ɛtŋ -li bʼow -li dad ów yadŋ ɛm ɛl lawlɛl e lís. -Li bʼow -lʼel agŋ ekʼↄnynm sos es, ɛtŋ -li bʼow -lʼerur agŋ eci gbre ijr, ke -lʼel low nimamn ecʼefnu. 4 -Li bʼow -lʼel agŋ ɛju, agŋ ekʼam jɛjm ów es, agŋ ekʼes ɛfu iy ɛm gbↄŋ. -Li bʼow -lʼerur ɛl obi ɛm ecʼów eke bʼaw ɛl a, -lʼakm Nyam ecʼerur eke -li kʼↄny a. 5 -Li bʼow -li kok nyandrɛ -lʼel Nyam ecʼéruru; kↄ tasi ɛm a, -li bʼow -lʼigŋ ↄmn e lɛc a -lʼɛlu es. Agŋ amua, àru ɛgb ɛl es. 6 Ɛl ɛm ecʼagŋ nyam nyam bʼok mel akŋ ɛtŋ ↄyↄw fuɛfuɛ a ekʼↄny sikpl nↄnↄ, ke ↄmn ijm lɛc a, -li bʼɛŋn wɛl meb a eke -li bʼuk wɛl ab ɛm; ↄyↄw amua bi kok ów eŋuŋ fɛŋ eke bʼaw ɛl a. 7 Sɛgŋ fɛŋ ↄyↄw amua bʼanŋ low wewr ɛm, kↄ -lʼↄtumn lɛgŋ kaka -lʼuwmn low nawrɛ any. 8 Ɛtŋ ɛsɛ elel eke lɛgŋ sig ɛm a Janɛs lele Jambrɛs †Janɛs lele Jambrɛsab el en eke Jwifɛl ecʼɛl agŋiyɛl ecʼɛb ir owi ɛm a wɛl ↄŋ Ejipt eci epmu a. Ɛ̀kn Ɔkm Ok 7.11,22. ab atarir Mois ab a, agŋ amua yɛji bʼatar low nɛnyɛmbri nyam ab. -Lʼel agŋ ekʼɛl e sow tutr a inyam, ke ɛl ecʼↄmn a yɛji elm low kaka. 9 Gbɛkↄ -li kʼow -nʼiimn kpekpe yɛji, aŋke agŋ a fɛŋ bʼow ɛkn ɛl eci yadŋ a ɛsɛ elel ekʼow ɛcr Janɛs lele Jambrɛs ab ecʼab af.

10 Gbɛkↄ ŋ, usʼm jam ɛm e low yɛgm ab ɛm, es an ab ɛm, lel ów eke mi bɛbm mʼɛw es ab ab ɛm. Usʼm jam ɛm ecʼↄmn ab ɛm, ɛm e low eku ab ɛm, ɛm ecʼerur ab ɛm, ɛm e low es ucu ↄny kikri ab ɛm, 11 ɛtŋ gbre eke wɛl ijrʼm lele low eke mi dↄgr ab ab yɛji uw any. Low fɛŋ ekʼɛŋnʼm sɛb amua ekʼel: Pisidi ecʼAntiↄs Ikoniↄm lele Lisr ab ɛm a, uw any ɛtŋ uw gbre yecʼeke wɛl ijrʼm a yɛjʼany. Gbɛkↄ, Ɛs Kↄtↄkↄ eb ɛluʼm es ów amua fɛŋ ɛm. 12 Ɛtŋ agŋ fɛŋ ekʼerur eke kʼir ɛb cɛcɛ ɛm Nyam eci, Jesu Krist ab ecʼaf okr ɛm a, wɛl bʼow ijr ɛl gbre. 13 Gbɛkↄ, molokm eŋuŋ ɛsɛl a lele mɛju ɛsɛl ab ab bʼow im kpekpe ɛl eci low ŋuŋ kok ab ɛm; -li bʼow -lʼɛju agŋ bɛb ke ɛl obi yɛji wɛl ɛju ɛl. 14 Sica ŋ ecʼa, ùcu yecʼa eke wɛl yɛgmʼŋ ke ɛgŋ eb ↄmn ɛm tasi a ↄny es. Uw low yɛgm ɛsɛl eke yɛgmʼŋ low ab any. †2 Timote 1.5; 2.2. 15 Tasi ɛm a, ŋ e likekli ɛm ɛtŋ uw Nyam e Silɛl Lala ab any, -lʼↄtu eke -li kʼↄŋʼŋ sɛwr a eke bi nyimn ɛgŋ sel ɛŋn ɛm, eke wɛl bʼↄny ↄmn Jesu Krist ɛm a. 16 Nyam Lɛl fɛŋ el Nyam ecʼabu ɛlum ɛm ecʼów eke wɛl nↄn, ɛtŋ ow bʼɛlum agŋ abu eke ki yɛgm agŋ low nɛnyɛmbri nyam, ogŋ low yecʼekʼelm ow a, akpal low ŋuŋ, yɛgm agŋ es an nyim nyim ɛm ecʼɛb ir, 17 yecʼɛtŋ ke Nyam ecʼɛgŋ ↄ́ny sos bɛbm nawrɛ tasi, ke lʼↄ́tu nʼↄny abusu li kok low nimamn fɛŋ.