الرِّسَالَة لِلْعِبْرَانِيِّينْ
الرّسالة هاذي تكتبت عام 70 بعد الميلاد لليهود الّي امّنوا بالمسيح. كانوا الجيل الثّاني متاع المؤمنين وعذّبوهم اليهود والرّومان.
الكاتب متاع الرّسالة هاذي يأكّد على انّو اليهوديّة والمسيحيّة جاو من عند الله آما المسيحيّة كاملة أكثر وخير. يعطي الدّليل على الشّيء هاذا كيقارن المسيح بالملايكة وموسى والكهّان متاع العهد القديم باش يورّي انّو المسيحيّة جابت عهد خير والمسيح هو الضحيّة الكاملة. الخلاص يجي مالإيمان بالمسيح آكاهو.
استعمل المثال متاع برشة شخصيّات في التّاريخ متاع اليهود باش يفسّر الحياة بالإيمان وشجّع المؤمنين باش يحافظوا على إيمانهم برغم الإضطهاد. المسيحيّين يلزمهم يشجّعوا بعضهم ويستنّوا رجوع المسيح.
1
كِلْمِةْ اللهْ عْلَى طْرِيقْ ابْنُو
اللهْ قْبَلْ كَلِّمْ جْدُودْنَا بَرْشَة مَرَّاتْ ابَّرْشَة طُرُقْ عْلَى طْرِيقْ الأَنْبِيَاءْ، آمَا تَوَّا، فِي آخِرْ الزْمَانْ، رَاهُو كَلِّمْنَا بْإِبْنُو الِّي حَطُّوا وَارِثْ لْكُلْ شَيْء وْبِيهْ هُوَ خْلَقْ العَالَمْ. هُوَ النُّورْ مْتَاعْ مَجْدْ اللهْ الِّي يِلْمَعْ وْكِيفُو بِالضَّبْطْ، يِتْلْهَى بِالعَالَمْ بْكِلْمْتُو القْوِيَّة. وْبَعْدْ مَا طَهِّرْنَا مِنْ ذْنُوبْنَا قْعَدْ عْلَى يْمِينْ اللهْ العَالِي فِي مَجْدُو فِي السْمَاءْ.
الإِبْنْ أَعْظِمْ مِالمْلاَيْكَة
وْهَكَّا وَلَّى أَعْظِمْ ابَّرْشَة مِالمْلاَيْكَة عْلَى قَدْرْ مَا وْرِثْ إِسْمْ أَعْظِمْ ابَّرْشَة مِنْ أَسَامِيهُمْ هُومَا الكُلْهُمْ. مز 2‏:7 ؛ II صم 7‏:14إِمَّالاَ آنَاهُو المَلاَكْ الِّي قَالُّو اللهْ:
إِنْتِ ابْنِي،
وْآنَا اليُومْ جِبْتِكْ؟
وِلاَّ:
بَاشْ نْكُونْلُو بُو
وِيْكُونْلِي إِبْنْ.
مز 97‏:7وْوَقْتِلِّي دَخِّلْ وِلْدُو الكْبِيرْ لِلعَالَمْ قَالْ زَادَا:
خَلِّي المْلاَيْكَة مْتَاعْ اللهْ الكُلْهُمْ يُسْجْدُولُو.
مز 104‏:4وْقَالْ عْلَى المْلاَيْكَة مْتَاعُو:
يْرُدْ الأَرْيَاحْ مْلاَيِكْتُو،
النَّارْ وِالجْمَرْ خُدَّامُو.
آمَا قَالْ عْلَى الإِبْنْ:
العَرْشْ مْتَاعِكْ يَا اللهْ ثَابِتْ لِلأَبَدْ،
وِالعَدْلْ مْتَاعِكْ يْكُونْ عْصَا المُلْكْ.
تْحِبْ الحَقْ وْتَكْرَهْ الشَّرْ،
هَاذَاكَا عْلاَشْ اللهْ إِلاَهِكْ مِسْحِكْ بِالزِّيتْ مْتَاعْ فَرْحَة كْبِيرَة أَكْثِرْ مِنْ صْحَابِكْ.
10  مز 102‏:25‏-27وْقَالْ زَادَا:
إِنْتِ يَا رَبْ، حَطِّيتْ سَاسْ الأَرْضْ
مِنْ قْدِيمْ الزْمَانْ،
وْصْنَعْتْ السْمَاوَاتْ بِيْدِيكْ،
11 هُومَا يَفْنَاوْ كِيمَا اللِّبْسَة القْدِيمَة الِّي تِتْهَرَّى
آمَا إِنْتِ تَبْقَى.
12 تِطْوِيهُمْ كِيفْ اللِّبْسَة وْهُومَا يِتْبَدّْلُوا،
وْإِنْتِ تَبْقَى
وْعُمْرِكْ مَا تُوفَى.
13  مز 110‏:1وْآنَاهُو المَلاَكْ الِّي قَالُّو اللهْ:
أُقْعُدْ عْلَى يْمِينِي
حَتَّى لِينْ نْحُطْ الأَعْدَاءْ مْتَاعِكْ تَحْتْ سَاقِيكْ؟
14 يَاخِي المْلاَيْكَة هَاذُومَا مَا هُمْشْ أَرْوَاحْ يِخْدْمُوا فِي رَبِّي يَبْعِثْهُمْ لِلنَّاسْ الِّي يُخْلْصُوا.

1:5 مز 2‏:7 ؛ II صم 7‏:14

1:6 مز 97‏:7

1:7 مز 104‏:4

1:10 مز 102‏:25‏-27

1:13 مز 110‏:1