1 ܗ̇ܝܓܵܗ ܚܙܹܐ ܠܝܼ ܡܲܠܲܐܟ݂ܵܐ ܒܸܨܠܵܝܵܐ ܡ̣ܢ ܫܡܲܝܵܐ، ܕܐܝܼܬ ܗܘܵܐ ܠܹܗ ܩܕܝܼܠܵܐ ܕܗܵܘܬܵ‌ܐ، ܘܫܸܫܸܠܬܵ‌ܐ ܓܘܼܪܬܵ‌ܐ ܒܐܝܼܕܹܗ. 2 ܕܒ݂ܝܼܩ ܠܹܗ ܠܬܲܢܝܼܢܵܐ، ܗ̇ܘ ܚܘܼܘܹܐ ܥܲܬܝܼܩܵܐ، ܕܝܼܠܹܗ ܐܵܟܹܠܩܲܪܨܵܐ ܘܣܵܛܵܢܵܐ، ܘܐܣܝܼܪܹܗ ܐܸܠܹܗ ܩܵܐ ܐܲܠܦܵܐ ܫܸܢܹ̈ܐ. 3 ܕܪܹܐ ܠܹܗ ܐܸܠܹܗ ܓܵܘ ܗܵܘܬܵ‌ܐ، ܕܒ݂ܝܼܪܹܗ ܘܚܬܝܼܡ ܠܹܗ ܥܲܠܘܼܗ‌ܝ ܕܐܚܹܪܢܵܐ ܠܵܐ ܡܲܚܠܸܛ ܠܐܸܡܘܵܬܹ̈‌ܐ ܗܲܠܔ ܕܬܲܡܸܡܝܼ ܐܵܢܝܼ ܐܲܠܦܵܐ ܫܸܢܹ̈ܐ. ܡ̣ܢ ܒܵܬܪ ܗܵܕܵܐ، ܘܵܠܹܐ ܝܠܵܗ̇ ܕܦܵܐܹܫ ܫܸܪܝܵܐ ܩܵܐ ܚܲܕ ܙܲܒ݂ܢܵܐ ܟܸܪܝܵܐ. 4 ܘܚܙܹܐ ܠܝܼ ܬܪ̈ܘܿܢܘܿܣܹܐ، ܘܥܲܠܵܝܗ‌ܝ ܝܬܝܼܒܹܐ ܐܵܢܝܼ ܕܦܝܼܫܹܐ ܝܗܘܵܘ ܝܘܼܗܒܹܐ ܫܘܼܠܛܵܢܵܐ ܠܸܕܝܵܢܵܐ. ܘܚܙܹܐ ܠܝܼ ܠܓܵܢܵܬܹ̈‌ܐ ܕܐܵܢܝܼ ܕܦܝܼܫܹܐ ܝܗܘܵܘ ܦܪܝܼܡܹܐ ܒܘܼܬ ܣܵܗܕܘܼܬܵ‌ܐ ܕܝܼܫܘܿܥ ܘܒܘܼܬ ܗܹܡܸܙܡܵܢ ܕܐܲܠܵܗܵܐ، ܘܐܵܢܝܼ ܕܠܵܐ ܣܓ݂ܝܼܕ ܠܗܘܿܢ ܠܕܵܒܵܐ ܘܐܘܼܦ ܠܵܐ ܠܨܲܠܡܹܗ، ܘܕܠܵܐ ܩܘܼܒܸܠܔ ܠܗܘܿܢ ܪܘܼܫܡܹܗ ܥܲܠܔ ܩܸܨܵܝ̈ܗ‌ܝ ܘܠܵܐ ܥܲܠܔ ܐܝܼܕܵܬܵܝ̈ܗ‌ܝ. ܘܩܘܼܒܸܠܔ ܠܗܘܿܢ ܚܲܝܹ̈ܐ ܘܥܒ݂ܝܼܕ ܠܗܘܿܢ ܡܲܠܟܘܼܬܵ‌ܐ ܥܲܡ ܡܫܝܼܚܵܐ ܩܵܐ ܐܲܠܦܵܐ ܫܸܢܹ̈ܐ. 5 ܣܵܗܡܵܐ ܐܚܹܪܢܵܐ ܕܡܝܼ̈ܬܹ‌ܐ ܠܵܐ ܩܘܼܒܸܠܔ ܠܗܘܿܢ ܚܲܝܹ̈ܐ ܗܲܠܔ ܕܬܘܼܡܸܡ ܠܗܘܿܢ ܐܲܠܦܵܐ ܫܸܢܹ̈ܐ. ܐܵܗܵܐ ܝܠܵܗ̇ ܩܝܵܡܬܵ‌ܐ ܩܲܕܡܵܝܬܵ‌ܐ. 6 ܛܘܼܒ݂ܵܢܹ̈ܐ ܘܩܲܕܝܼܫܹ̈ܐ ܝܢܵܐ ܐܵܢܝܼ ܕܐܝܼܬ ܠܗܘܿܢ ܣܵܗܡܵܐ ܒܩܝܵܡܬܵ‌ܐ ܩܲܕܡܵܝܬܵ‌ܐ. ܡܵܘܬܵ‌ܐ ܕܬܪܹܝ ܠܲܝܬ ܠܹܗ ܫܘܼܠܛܵܢܵܐ ܥܲܠܵܝܗ‌ܝ، ܐܸܠܵܐ ܒܸܬ ܗܵܘܝܼ ܟܵܗ̈ܢܹܐ ܕܐܲܠܵܗܵܐ ܘܕܡܫܝܼܚܵܐ، ܘܒܸܬ ܥܵܒ݂ܕܝܼ ܡܲܠܟܘܼܬܵ‌ܐ ܥܲܡܹܗ ܐܲܠܦܵܐ ܫܸܢܹ̈ܐ.

7 ܐܝܼܡܲܢ ܕܬܲܡܸܡܝܼ ܐܲܠܦܵܐ ܫܸܢܹ̈ܐ، ܒܸܬ ܦܵܐܹܫ ܫܸܪܝܵܐ ܣܵܛܵܢܵܐ ܡ̣ܢ ܐܲܣܝܼܪܘܼܬܹܗ، 8 ܘܒܸܬ ܦܵܠܹܛ ܠܡܲܚܠܘܼܛܹܐ ܐܸܡܘܵܬܹ̈‌ܐ ܒܐܲܪܒܲܥ ܦܸܢܝܵܬܹ̈‌ܐ ܕܐܲܪܥܵܐ، ܠܓܘܿܓ ܘܠܡܵܓܘܿܓ، ܠܓ̰ܲܡܘܼܥܵܝ ܠܦܠܵܫܵܐ، ܐܵܢܝܼ ܕܡܸܢܝܵܢܵܝܗ‌ܝ ܐܲܝܟ݂ ܣܹܠܵܐ ܕܝܵܡܵܐ ܝܠܹܗ. 9 ܐܣܝܼܩ ܠܗܘܿܢ ܠܦܸܬܝܘܼܬܵ‌ܐ ܕܐܲܪܥܵܐ، ܘܚܘܼܪܕܹܐ ܠܗܘܿܢ ܠܚܲܝܠܵܘܵܬܹ̈‌ܐ ܕܩܲܕܝܼܫܹ̈ܐ ܘܠܡܕܝܼܢ݇ܬܵ‌ܐ ܡܘܼܚܸܒܬܵ‌ܐ. ܐܝܼܢܵܐ ܢܘܼܪܵܐ ܨܠܹܐ ܠܹܗ ܡ̣ܢ ܫܡܲܝܵܐ ܘܩܵܡ ܐܵܟܹܠܔ ܐܸܠܵܝܗ‌ܝ. 10 ܘܐܵܟܹܠܩܲܪܨܵܐ ܕܡܘܼܚܠܸܛܵܝ ܠܹܗ ܦܝܼܫ ܠܹܗ ܕܸܪܝܵܐ ܓܵܘ ܝܵܡܵܐ ܕܢܘܼܪܵܐ ܘܕܟܸܒܪܝܼܬ، ܐܲܝܟܵܐ ܕܝܼܗܘܵܘ ܐܘܼܦ ܕܵܒܵܐ ܘܢܒ݂ܝܼܵܐ ܕܲܓܵܠܵܐ. ܘܒܸܬ ܦܵܝܫܝܼ ܓ̰ܘܼܢܓ̰ܸܪܹܐ ܒܝܵܘܡܵܐ ܘܒܠܲܝܠܹܐ ܠܥܵܠܲܡ ܥܵܠܡܝܼܢ.

11 ܗ̇ܝܓܵܗ ܚܙܹܐ ܠܝܼ ܬܪܘܿܢܘܿܣ ܓܘܼܪܵܐ ܚܘܵܪܵܐ، ܘܠܗ̇ܘ ܕܝܼܗܘܵܐ ܝܬܝܼܒ݂ܵܐ ܥܲܠܘܼܗ‌ܝ ܕܡ̣ܢ ܩܲܕܡܘܼܗ‌ܝ ܥܪܝܼܩ ܠܗܘܿܢ ܐܲܪܥܵܐ ܘܫܡܲܝܵܐ، ܘܠܵܐ ܡܫ݇ܟ̰ܝܼܚ ܠܵܗ̇ ܕܘܼܟܵܐ ܩܵܬܵܝܗ‌ܝ. 12 ܘܚܙܹܐ ܠܝܼ ܠܡܝܼ̈ܬܹ‌ܐ، ܓܘܼܪܹ̈ܐ ܘܙܥܘܿܪܹ̈ܐ، ܟܸܠܝܹܐ ܩܲܕܡ ܬܪܘܿܢܘܿܣ. ܦܝܼܫ ܠܗܘܿܢ ܦܬܝܼܚܹܐ ܟܬܵܒܹ̈ܐ، ܘܚܲܕ ܟܬܵܒ݂ܵܐ ܐܚܹܪܢܵܐ ܦܝܼܫ ܠܹܗ ܦܬܝܼܚܵܐ، ܗ̇ܘ ܕܝܼܠܹܗ ܟܬܵܒ݂ܵܐ ܕܚܲܝܹ̈ܐ. ܘܦܝܼܫ ܠܗܘܿܢ ܕܝܼܢܹܐ ܡܝܼ̈ܬܹ‌ܐ ܐܲܝܟ݂ ܦܘܼܠܚܵܢܵܝ̈ܗ‌ܝ ܕܦܝܼܫܹܐ ܝܗܘܵܘ ܟܬܝܼܒܹܐ ܓܵܘ ܟܬܵܒܹ̈ܐ. 13 ܝܵܡܵܐ ܝܘܼܗܒܹܠܔ ܠܵܗ̇ ܡܝܼ̈ܬܹ‌ܐ ܕܝܼܗܘܵܘ ܓܵܘܘܼܗ̇، ܘܡܵܘܬܵ‌ܐ ܘܫܝܘܿܠܔ ܝܘܼܗܒܹܠܔ ܠܗܘܿܢ ܡܝܼ̈ܬܹ‌ܐ ܕܝܼܗܘܵܘ ܓܵܘܵܝܗ‌ܝ، ܘܦܝܼܫ ܠܹܗ ܕܝܼܢܵܐ ܟܠܔ ܚܲܕ ܐܲܝܟ݂ ܦܘܼܠܚܵܢܘܼ̈ܗ‌ܝ. 14 ܗ̇ܝܓܵܗ ܡܵܘܬܵ‌ܐ ܘܫܝܘܿܠܔ ܦܝܼܫ ܠܗܘܿܢ ܕܸܪܝܹܐ ܓܵܘ ܗ̇ܝ ܝܵܡܵܐ ܕܢܘܼܪܵܐ. ܡܵܘܬܵ‌ܐ ܕܬܪܹܝ ܝܠܹܗ ܝܵܡܵܐ ܕܢܘܼܪܵܐ. 15 ܘܟܠܔ ܚܲܕ ܕܠܹܐ ܝܗܘܵܐ ܦܝܼܫܵܐ ܟܬܝܼܒ݂ܵܐ ܫܸܡܹܗ ܓܵܘ ܟܬܵܒ݂ܵܐ ܕܚܲܝܹ̈ܐ ܦܝܼܫ ܠܹܗ ܕܸܪܝܵܐ ܓܵܘ ܗ̇ܝ ܝܵܡܵܐ ܕܢܘܼܪܵܐ.