1 Koko ka la'a ta̱ nnama n na Ka̱shile Vuzavaguɗu u ya'in dem n ugboji. Ɗa ke ecei vuka va, <<Mayu ɗa Ka̱shile ka danai, <Ka̱ta̱ i lya'a umaci wu nɗanga u na wi punu a kashina ka ba?> >>

2 Ɗa vuka va vu danai koko ka'a, <<Ci ta̱ a kufuɗa tsa lya'a umaci wu nɗanga dem n na mi punu a kashina ka, 3 ama Ka̱shile ka dana ta̱, <Ka̱ta̱ i lya'a maɗanga ma na mi punu e mere ma kashina ma ba. Ko kusa'wa ka̱ta̱ i sa'wa ba. Kanna ka na baci i sa'wai ma'a, yi ta̱ a̱ kukuwa̱.> >>

4 Ama ɗa koko ka danai vuka va, <<Mayun ɗa i kukuwa̱ ba. 5 Ka̱shile ka ke yeve ta̱ kanna ka na baci i lya'i maɗanga ma, a̱shi a̱ ɗa̱ i ta̱ a ku paɗukpa, ka̱ta̱ kpamu yo okpo uteku tsu Ka̱shile.*3:5 Uteku u na kadanshi ka aza a Yahuda ka danai, <<Yi ta̱ o kokpo uteku tsu Ka̱shile>> ka kuta̱ mayin ba, ko <<uteku tsu Ka̱shile>> ko <<uteku tsa̱ a̱ma̱li.>> Yi ta̱ e kuyeve ili i gbanigbani n ili i singai.>>

6 Ana vuka va ve enei umaci u maɗanga wa wi ta̱ n uga'in u kulya'a, n uga'in u kinda. U ciga ta̱ kpamu u ciya̱ cico'o tsu na ci punu, ɗa u ta'i umaci u maɗanga wa ɗa u lya'i. Ɗa u ne'i vali va, ɗaɗa u lya'i feu. 7 Ɗa dem vi le a̱shi e le a paɗukpai, ɗa e enei ka̱ci ke le oshomboɗi. Ɗa a̱ jilya̱i a̱vuku a maɗanga ma̱ ma̱biri, ɗa a ya'ankai ka̱ci ke le ciyampa.

8 N kulivi, ɗa a panai izumgbi i Ka̱shile Vuzavaguɗu a̱ kuka̱ra̱'a̱ a kashina ka, ɗa a sumai e sheɗeki punu a nɗanga n kashina ma. 9 Ama ɗa Ka̱shile Vuzavaguɗu ke ɗekei vuma va, u danai, <<Te ɗai vi?>>

10 Ɗa vuma va wu ushuki, <<M panaka wu ta̱ a̱ kuka̱ra̱'a̱ a kashina ɗaɗa m panai wovon, adama a na mi ta̱ koshomboɗi ɗa n sheɗeki.>>

11 Ɗa Ka̱shile Vuzavaguɗu we ecei ni, <<Yayi u danai koshomboɗi ka'a vi? Ko vi lya'a ta̱ maɗanga ma na n danai ka̱ta̱ vi lya'a ba va?>>

12 Ɗa vuma va u danai, <<Vuka vu na vu nekei mu u yongo nu mpa, a̱yi ɗa u ta'i maɗanga ma ɗa u ne'i mu ɗa n lya'i.>>

13 Ka̱shile Vuzavaguɗu ke ecei vuka va, <<Yiɗa̱i i zuwai ɗa vi ya'in nannai?>>

Ɗa wu ushuki, <<Koko ka'a ka̱ ya̱nsa̱i mu, ɗa n lya'i.>>

14 Ɗa Ka̱shile Vuzavaguɗu u danai koko ka,

16 Ɗa u danai vuka va,

17 Ɗa Ka̱shile Vuzavaguɗu u danai A̱da̱mu, †3:17 Udani kula <<A̱da̱mu>> n kadanshi ka aza a Yahuda u dana tsu ta̱ <<vuma>> ɗa.

20 Ɗa A̱da̱mu u ne'i vuka vi ni kula Hawa, ‡3:20 Udani <<Hawa>> n kadanshi ka aza a Yahuda u dana tsu ta̱ <<uma ra̱ka̱>> ɗa. adama a na a̱yi ɗa u kokpo akaya a uma ra̱ka̱.

22 Ɗa Vuzavaguɗu u danai, <<Gogo na vuma wo okpo ta̱ tsu tsu, u yeve ta̱ kasingai n kawuya. Ka̱ta̱ a̱ ka̱sukpa̱ yi u ta'a ali u lya'a a̱ ka̱tsuma̱ ka nɗanga n kuneke wuma n kasingai ba, ta lo wo yongo n wuma kowanai>> 23 Ɗa Ka̱shile Vuzavaguɗu u lokoi vuma va punu a Kashina ka Adini ka. Adama a na u bana u ya'an vicimba a̱ ubuta̱ u na a̱ uta̱ka̱i ni. 24 Ana u lokoi vuma va, ɗa u zuwai ɗe corobi§3:24 Corobi ili i yoku i ɗa i na yi n evelyu tsu kalingata a̱ na̱shi punu a kashina ka a uɓon u kasana, n otokobi a akina a kulya'a una̱ u re dem adama a na a̱ sa̱nka̱ vuma va ku'uwa a kashina ka.