1 Ele na ɗa ntsukaya n Shem, Ham, n Jafe muku n Nufu. Muku n tatsu n nampa a matsa ta̱ feu muku ayin a na mini ma na ma lya'i uma a iɗika ra̱ka̱ mo kotsoi.

2 Muku n Jafe ele ɗa Gomaru, Mogogu, Madai, Javan, Tubalu, Mesheku, n Tirasu. 3 Muku n Goma ele ɗa Ashekenaza, Rifata, n Togaruma. 4 Muku n Javan ele ɗa Elishahu, Tarishi, Kitimu, n Dodanimu. 5 A̱ ubuta̱ u le u ɗa uma a na o yongoi o kotogu a̱ ka̱kina̱ ka mala a̱ uta̱i. Ele ɗa muku n Jafe o kuyongo umaci kakau, kelentsu kakau, n iɗika kakau feu.

6 Muku n Ham, ele ɗa Kush, Masar, Putu, n Kana'ana. 7 Muku n Kush ele ɗa Sheba, Havila, Sabotu, Rama, Sabateka. Muku n Rama ele ɗa Seba n Dedanu.

8 Kush u matsai maku ɗa u ne'i ni kula Namura, vuza na wo okpoi kovonshi vu utsura vi iyain va aduniyan. 9 Wo okpoi katain ka gbayin a̱ ubuta̱ u Vuzavaguɗu, i ɗaɗa i zuwai ɗa uma a danai, <<Ya'an Vuzavaguɗu u bonoko wu katain ka gbayin tsu Namura!>> 10 Tsugono ci iyain ci ni ci gita̱ ta̱ n likuci i Babila, Ereci, n Akadu, n Kaline dem vi le a iɗika i Shina. 11 U gita̱i punu a iɗika i nanlo, ɗa u banai a Asiriya a̱ ubuta̱ u na u zamai likuci i Niniva, Rehobotu Iri, n Kalashi 12 n Reshena, i na yi e mere ma Niniva n likuci i gbayin i Kalashi. 13 Masar ɗa esheku a Ludu, Anama, Lehabu, Nafutu, 14 Paturusu, Kasulu, n Karita, aza a na a matsai aza a Filisitiya.

15 Kana'ana ɗa esheku a Sida maku ma iyain ma̱ ni, n Hiti, 16 koɓolo kpamu n aza a Jebusiya, Amoriya, Girigeshiya, 17 n aza a Hiviya, n Akita, n aza a Siniya, 18 ali n aza a Avadi, n Zamarita, n aza a Hamo.

Umaci kakau wa aza a Kana'ana e pecekushi da'in kakau, 19 ali sai a na uteku wa aza a Kana'ana u yawai uɓon u gaɗi vu Sida a kubana a uɓon u ɗaka vu Gera ɗevu n Geza, n Sodom, n Gomora, n Aduma, koɓolo n Zeboyim ɗevu n Lasha.

20 Na ɗa muku n Ham, o kuyongo umaci kakau, kelentsu kakau, n iɗika kakau feu.

21 A matsaka ta̱ Shem, Jafe mokoshi ma̱ ni muku, a̱yi ɗa tsukaya tsu muku n Eberu ra̱ka̱. 22 Muku n Shem ele ɗa Elim, Ashuru, Afakasha, Luda, n Aram. 23 Muku n Aram ele ɗa Uzu, Hulu, Getaru, m Mesheku. 24 Afakasha a̱yi ɗa esheku a Shela, Shela esheku a Eberu. 25 Eberu wi ta̱ m muku n re: vuza te kula ku ni ku ɗa Pelegu, adama a na a ayin a̱ ni a ɗa uma a aduniyan e pecuki, ɗa vuza te va e ne'i ni kula Jokuta. 26 Jokuta ɗa esheku a Alamodadu, Shela, Hazamavetu, Jera, 27 Hadoram, Uzala, Dikila 28 Obali, Abimale n Sheba 29 koɓolo n Ofiri, n Havila, n Jobabu. Ra̱ka̱ vi le muku n ɗa n na mu uta̱i u Jokuta. 30 Iɗika i na o yongoi i ɗa i gita̱ ta̱ a Mesha ali a kubana Sefa a uɓon wu nsasan a kasana.

31 Ele na ɗa muku n Shem, o kuyongo umaci kakau, kelentsu kakau, n iɗika kakau feu.

32 Na ɗa umaci wu muku n Nufu, iɗika kakau, uteku u na kefeku ke le ki. Ana mini ma na ma lya'i aduniyan mo kotsoi, iɗika dem yu uduniyan i ciya̱i tsukaya a̱ ubuta̱ wu muku n Nufu.