18
Kene ku wuya adama a iɗika i Itopiya
1 Ili ya atakaci i ɗa a kubana wi iɗika yi izumgbi i malapa me evelyu,
i na yi upashi u kuyene ki Itopiya,
2 i na i suki aza a akaka a na o tonoi m mini
n antsu a na a ya'in m mita̱ ma na e ci ɗeke papiru*18:2 Papiru kula ku mita̱ mo yoku ma'a ma na a ci ya'anka antsu a̱ mini.
Walai a̱ɗa̱ aza a na a tsu banka n akaka gogo'o,
a kubana u uma a na i n ugaɗi n ikyamba ugbori,
aza a na uma i a kupana wovon u le, aza a da'angi n aza ɗeɗevu
n iɗika i na yi n utsura koɓolo n ulya'i,
i na yi upeciki ni nyeneke.
3 A̱ɗa̱ umaci wa aduniyan ra̱ka̱,
a̱ɗa̱ aza a na i ida̱shi aduniyan dem,
ayin a na baci a̱ ɗengusa̱i urotu a gaɗi vu kusan, yi ta̱ e kene.
Ayin a na baci kpamu a̱ lika̱i vugbala, yi ta̱ a kupana.
4 Ili i nampa ya i ɗa Vuzavaguɗu u danai mu,
<<Mi ta̱ a̱ kuda̱sa̱ngu a̱ ubuta̱ wi ida̱shi i va̱ ka̱ta̱ m paɗa bini mi indana,
uteku tsu usuɗukpi u kpandari n kanna,
ko keleshu ka ciza a ayin a vikya'a.>>
5 Kafu vikya'a vi yawa, ayin a na baci a̱pa̱lu a̱ sa̱ruwa̱i,
ɗa a̱pa̱lu a o bonoi umaci u na u ge'wei,
wi ta̱ a kuta'a umaci wa n koko'i,
ka̱ta̱ u koɗo acaka a u vakangu.
6 I ta̱ a̱ kuka̱sukpa̱ka̱
asakali a nsasan koɓolo
nu nnama n kakamba even a ikyamba i le adama a na a takuma.
Nnu mi ta̱ a kulya'a le a ayin a kpandari dem,
nnama n kakamba tamkpamu n takuma le a ayin a̱ uta̱ni dem.
7 A ayin a nanlo uma a na i n ugaɗi n ikyamba ugbori,
aza a na uma i a kupana wovon u le,
aza a da'angi n aza ɗeɗevu n iɗika i na yi n utsura
koɓolo n ulya'i, i na yi upeciki ni nyeneke i ta̱ a̱ kutuka̱ n kune'e a ubuta̱ u kusan
ku Sihiyona a̱ ubuta̱ u kula ku Vuzavaguɗu Mala'imili.