1 ✡Pal 4:6; 5:1Mo eni emaisou Sipsip ꞌOlu mululusou sakisaki vile no anu sakisaki muxatele tamei. La eni elomusou vile noxiꞌa ta mii tamiꞌa ne muvikalaleli la xolinu loxo leleꞌe upau la luluxu. Muvikala aloxo ꞌo, “Naneꞌe.” 2 ✡Sek 1:8; 6:1-6Eni emalei la oosi kea vile a ututulu no talaxo. Itema ane muxolu no oosi lataanu ne, mutetelisou pasiko mo milosou kisivalu. La anu muiave mulai loxo itema muuliuli no anu ꞌotoꞌoto.

3 Xe no mine anu mululusou sakisaki tameisou, la eni elomusou tameisou noxiꞌa ta mii tamiꞌa ne muvikala aloxo, “Naneꞌe.” 4 La oosi vile ane lauolauoinu loxo navu ututulu no talaxo. La itema muxolu no latanu oosi ne, aneꞌi milosou xavi sou uxexeenu opo seꞌisisi noxiꞌa ta mitema no lia ꞌo ukalusi mo sou aneꞌi iveꞌa ngatongatoꞌo isoisoli. Aneꞌi milosou viso vile tatila.

5 Xe no mine anu mululusou sakisaki tatalusou la eni elomusou tatalu sou noxiꞌa ta mii tamiꞌa ne muvikala aloxo ꞌo, “Naneꞌe.” Eni emalei, la oosi vile ane muxusi a ututulu no talaxo. Itema ane muxolu no oosi latanu ne, mutetelisou mii sou itilovosou no avolu. 6 La eni elomusou mii vile xolinu loxo itema no taiineꞌi ta mii tamiꞌa ne. La anu muvikala aloxo ꞌo, “Uiti ngiaxu Lita vile*Lita vile ne loxo Kilo vile no ꞌa lalaisi. umomomo no anu Denalia†Denalia vile noxiꞌa ta Romu ane anu uulu sou itema vile unoꞌu sou muxaxai no anu no voxo vile lololi no xai ane lingamo. vile. Xe bali ngiaxu Lita tatalu umomomo no anu Denalia vile. Ia ngaꞌoxo masuanu ueli ilou uaini uasi. Ia ngasaxilaꞌu uulusou laixe.”

7 Xe no mine anu mululusou sakisaki tamiꞌasou, la eni elomusou kaluxusou noxiꞌa ta mii tamiꞌa ne muvikala aloxo ꞌo, “Naneꞌe.” 8 ✡Iel 15:1-3; Ese 5:12, 17; 14:21Eni emalei, la oosi vile ane kuakuala a ututulu no talaxo. Itema ane muxolu no oosi latanu ne, ualasou lexe soli. La tualasiꞌa ta mitema misoisoli muxolu ꞌalai noxou. Ia Lataua mulosiꞌa xavi sou iveꞌaveꞌa ta mitema no lia ꞌo no xalee tamiꞌasou. Iveꞌaveꞌa no anu viso mo kaetoto xe pipiena masumasua. Mo ta mimii ta vova no lia ꞌo iveꞌaveꞌa.

9 Xe no mine anu mululusou sakisaki taꞌuvesou, la eni emaisiꞌa ta mitema e miveꞌaveꞌa uleeneꞌi no valovalo laaxu. Aneꞌi miveꞌaveꞌa xo aneꞌi mimulinu vaivaikala noxou Lataua xe mimuxamuxaxu taneꞌi noxou Iesu mulai mutalo no mine misoisoli. 10 La aneꞌi miꞌava tatila aloxo ꞌo, “Nini Tila e usaxilaixe mo ninisisi Lataua noxixe xe nini itema sou kalavoi uasi. Nexi taxolu voxo taꞌei, la sou nini natulusiꞌa ta mitema ixolu no lia no anu vaivaikala mo nakolinu sialunexe?” 11 ✡Pal 7:9, 13; 19:14La anu mulosiꞌa tokolomo kea vilevilesi mo muvikalaneꞌi lexe, “Ngaxolu maxuvee sevile ꞌo, mo ngaxomaieꞌi ta mitema sou xaixai vitanisi noxilo ane aneꞌi ta vivinge noxou Iesu mo iveꞌa isoisoli ꞌo loxo aneꞌi miꞌoxonu noxinge. Lexe itiitisiꞌa umomomo ukalu, la sou eni akolinu.”

12 ✡Mat 24:29; Apo 2:20; Pal 8:12; 11:13; 16:18Xe no mine anu mululusou sakisaki muxatelevilesou xe eni emalei, laliua toxoxaꞌa muxali. La aso muxali suinu loxo tokolomo vile muximuxi miꞌoxonu no anu mee laxusou mo soꞌio muxali lauolauoinu loxo sialu. 13 ✡Ais 34:4Mo ta oto teitexi no loxotolo milapalapau miluꞌe no lia loxo atume toxoxaꞌa uꞌelesou ovu lovo ngangingangisou la ulapalapau ulai no lia. 14 ✡Pal 16:20Xe loxotolo tasiauxu loxo mipipinu kaukavu, la laxalaxaꞌilu ilou laꞌolaꞌolu no luaki mivulasou tanixaꞌa.

15 ✡Ais 2:10, 19, 21Mimii ne muxali, la ta tatanaanu tuatuala mukalusi iloꞌa ta ꞌiliꞌiliꞌa mo ta tatila sou xaixai noxiꞌa ta mitema sou ꞌotoꞌoto mo ta mitema sou lavuluti mo ta mitema xavixavineꞌi mo ta mitema sou xaixai vitanisi iloꞌa ta mitema ane aneꞌi meꞌa isaxilaꞌa mukalusi no lia ꞌo ne, milai mitalume no taxataxa mo no lavoꞌo laalaaxu. 16 ✡Luk 23:30La aneꞌi miꞌava mulai no laxalaxaꞌilu mo lavolavoꞌo lexe, “Ngalapau uluꞌe mo ngatalumeiou iexi noxou ane ane muxolu no luu mo sou umaisixe uasi mo no anu laꞌia noxou Sipsip ꞌOlu. 17 ✡Ioe 2:11; Mal 3:2Xo voxo toxoxaꞌa sou laꞌia noxiꞌa ilou a muxali ꞌo la ꞌei umomomo sou utuluxu?”