110
Yawe God da yana Wiivinevinegha Kiiwawona
Mmko Psamna Deivid igirumi.
Dima wawayina-wawaya biiyadi
1 Mrk 12:36; Acts 2:34,35Yawe God yagu Bada*Akowa damdi sawona da mmko God yana Wiivinevinegha Kiiwawona, Keriso kiiravine yisisiya (Matiu 22:44 kokita). iwoneni bo,
“Mma ririguve kumakekira gawara kabikabikarawayine
bi Tagu kam aviya anageiwayidi da yam wiibadana rogune anatoredi.”
Dima wawayina-kiiwawo biidi
2 Yawe God inabera da yam wiibadana inaragata
da Jerusalemma yam kanibutaveyana kamone
na tam kam aviya kunibadedi.
3 Noko gabudarine kunanagho aviye yam maragatama wiirouwa biiyadi,
na yam wawaya nuwasisire sinaveremayedi sinanagho.
Tam na gara kabikabikuwayidi kunikote,
bi gabudara nununaghana yam maragata aniiwuwamiri,
ware youra didibara nununagha naboni.
Dima wawayina-kiiwawo biidi
4 Tagu, Yawe God wiisuwona abera na
gegha yagu noghota anawamirina, awona bo,
“Tam na kuni prist waghata
Melkisidek†Melkisidek na yana kayena getayakovina bi touna God yana prist kiikiiwawona tana ware Isu naboni Abraham yana raghaniye. yana kayenama.”
Dima wawayina-Yawe God biidi
5 O Yawe God, kiiwawo na katiiyamma yamiimiiri
da babarem kiiravine.
Bi kiikiiwawo korotodi inikasunughana
raghanina nuwanuwana inapughuna.
6 Touna dam tupadi aro inaveredi
bi yadi kubura na wawaya sirabobona tubuyidima inibonuvi.
Bi kiikiiwawo tupadi inageiwayidi, kubura tupane.
7 Touna kedae wusire rarima inaniuna
da gayamina inarukabepi bi iniyeveveyana da touna kana aviya igeeiwayidi.
110:1: Mrk 12:36; Acts 2:34,35
*110:1: Akowa damdi sawona da mmko God yana Wiivinevinegha Kiiwawona, Keriso kiiravine yisisiya (Matiu 22:44 kokita).
†110:4: Melkisidek na yana kayena getayakovina bi touna God yana prist kiikiiwawona tana ware Isu naboni Abraham yana raghaniye.