3
1 Dɑfidin womu ɡeni ɡɑ kɑ kpikiru yɑ̃ te u suɑ win bii Abusɑlɔmun sɔ̃. Ge wee.
2 Yinni Gusunɔ, nɛn yibɛrɛbɑ bɑ dɑbi.
Be bɑ mɑn seesi bɑ dɑbi.
3 Geemɑ dɑbirɑ tɑ ɡerumɔ,
nɑ ǹ somiru wɑsi wunɛn min di.
4 Adɑmɑ nɛ, nɑ nɛɛ,
wunɑ ɑ rɑ mɑn ɡɑnɛ nɡe tɛrɛru,
wunɑ ɑ rɑ mɑn nɑsɑrɑ wɛ̃,
wunɑ ɑ rɑ mɑn sekuru yɑre.
5 Nɑ̀ n nun nɔɔɡiru sue nɑ somiru kɑnɑ,
ɑ rɑ nɛn nɔɔ nɔ wunɛn ɡuurun di mi ɑ wɑ̃ɑ.
6 Nɑ̀ n kpunɑ nɑ dweeyɑ wɔ̃ku ɡiriru,
wunɑ ɑ rɑ n mɑn kɔ̃su.
Nɑ̀ n yɑndɑ nɑ rɑ deemɛwɑ
wunɑ ɑ mɑn kɔ̃su.
7 Yibɛrɛ dɑbinu nu mɑn kooro bure,
yibɛrɛ dɑbinu nu mɑn sikerenɑ,
ɑdɑmɑ nɑ ǹ ben bɛrum mɔ.
8 Gusunɔ nɛn Yinni, ɑ seewo ɑ mɑn fɑɑbɑ ko.
A seewo ɑ nɛn yibɛrɛbɑ wiru kɔsuku.
A seewo ɑ ben nɔsu kɔsuku.
9 Wunɑ ɑ rɑ tɔnu fɑɑbɑ ko.
A de wunɛn domɑru tɑ n kɑ wunɛn tɔmbu wɑ̃ɑ.