4
1 Dɑfidin womu ɡe u wom kowobun wiruɡii kuɑ kɑ mɔrɔku. Ge wee.
2 Gusunɔ, nɑ̀ n wɑ̃ɑ nɔni swɑ̃ɑru sɔɔ,
wunɑ ɑ rɑ mɑn somi.
Nɑ̀ n nun sokɑ, ɑ mɑn wurɑrio.
A nɛn wɔnwɔndu wɑɑwo,
ɑ nɛn kɑnɑru nɔɔwɔ,
wunɛ wi ɑ rɑ mɑn sirie.
3 Bɛɛ tɔmbu, sere sɑɑ yerɑ̀ i ko i n mɑn wɔmmɔ.
Bɛɛ tɔmbu, sere sɑɑ yerɑ̀ i ko i n kɑm ɡire.
Bɛɛ tɔmbu, sere sɑɑ yerɑ̀ i ko i n weesu swĩi.
4 I n yɛ̃ mɑ Gusunɔ u rɑ tii nɑɑnɛɡii ɡɔsie.
I n yɛ̃ mɑ Gusunɔ u rɑ nɛn nɔɔ nɔ.
5 I bwisikuo ɡɔ̃ruɔ bɛɛn kpin yenɔ kpɑ i mɑri.
I diirio bɛrum sɔ̃ kpɑ i durum deri.
6 I Yinni Gusunɔ nɑɑnɛ dokeo.
I yɑ̃kunu koowo ni u bikiɑmɔ.
7 Tɔn dɑbirɑ weeweenu mɔ̀ tɑ mɔ̀,
Gusunɔ, ɑ kɑ sun bɔri yɛndu nɑɑwɔ.
Yinni, ɑ kɑ sun nɔnu ɡeu mɛɛrio.
8 Adɑmɑ nɛ, nɑ rɑ n nuku dobu mɔ
n kere be bɑ dĩɑnu yibɑ.
Nɑ rɑ n yɛ̃ɛrimɔ n kere be bɑ tɑm yibɑ.
9 Nɑ̀ n kpunɑ nɑ rɑ dweeye kɑ bɔri yɛndu,
domi wunɛ turowɑ ɑ mɑn kɔ̃su, Yinni Gusunɔ.