12
1 Womu ɡe Dɑfidi u wom kowobun wiruɡii kuɑ kɑ mɔrɔku. Ge wee.
2 Yinni Gusunɔ, ɑ nɑ ɑ sun fɑɑbɑ ko.
Wee ɡemɡibɑ doonɑ.
Nɑɑnɛɡii ɡoo mɑɑ sɑri hɑnduniɑ sɔɔ.
3 Weesɑ bɑɑwure u rɑ n win winsim kuɑmmɛ,
u n nùn nɔni wɔ̃kumɔ kɑ ɡɑri dori.
4 Yinni Gusunɔ, ɑ be bɑ tɔmbu fufu mɔ̀n nɔsu kɔruo.
A be bɑ ɡɑri ɡerumɔ kɑ tii suɑbu mɑrisio.
5 Domi bɑ ɡerumɔ bɑ mɔ̀,
bɑ rɑ wɑ ye bɑ kĩ ben nɔɔ dobun sɑɑbu,
bɑ ɡɑri ɡerubu yɛ̃,
bɑ ǹ ɡoon bɛrum mɔ.
6 Adɑmɑ Yinni Gusunɔ, ɑ nɛɛ,
ɑ wɔnwɔndo be bɑ dɑm dɔremɔ wɑɑmɔ.
A sɑ̃ɑro be bɑ weeweenu mɔ̀ wɑɑmɔ.
A be bɑ yɑ̃ɑtɑm siemɔ wɑɑmɔ.
Tɛ̃, kɑɑ se ɑ be kpuro fɑɑbɑ ko.
7 Yinni Gusunɔ, wunɛn ɡɑri yi dɛɛrewɑ.
Yi sɑ̃ɑwɑ nɡe sii ɡee si bɑ sɔwɑ nɔn nɔɔbɑ yiru.
Yinni Gusunɔ, nɑ yi nɑɑnɛ sɑ̃ɑ.
8-9 Wee tɔn kɔ̃sobu bɑ wɑ̃ɑ yɑm kpuro.
Mɑ tɔmbɑ sɑnkirɑmɔ bɑ dɔɔ.
Yinni Gusunɔ, ɑ sun kɔ̃suo.
A sun ɡbɑro ben nɔmɑn di.