13
1 Womu ɡe Dɑfidi u wom kowobun wiruɡii kuɑ. Ge wee.
2 Yinni Gusunɔ, sere dommɑ kɑɑ n mɑn duɑri.
Sere dommɑ kɑɑ n mɑn wuswɑɑ berue.
3 Sere dommɑ kɑɑ n derɑ nɑ n bwisikumɔ nɛn ɡɔ̃ruɔ.
Sere dommɑ kɑɑ n derɑ nɑ n nuki sɑnkire.
Sere dommɑ kɑɑ n derɑ nɛn yibɛrɛ u n mɑn tɑɑre.
4 Yinni Gusunɔ, ɑ suuru koowo.
A mɑn wisio. A mɑn dɑm kɛ̃ɛyɔ.
A de nɛn nɔni yi ɡɛllɑ.
A ku de n ɡbi.
5 A ku de nɛn yibɛrɛbɑ bu mɑn kɑmiɑ,
kpɑ bu woo kɑnɑ.
A ku de nɑ n bɑ̃ɑrimɔ,
kpɑ bɑ n nuku dobu mɔ̀.
6 Nɑ nun nɑɑnɛ sɑ̃ɑ domi ɑ mɑn kĩ sere kɑ bɑɑdommɑɔ.
Nɑ nun nɑɑnɛ sɑ̃ɑ domi ɑ mɑn ɡeɑ kuɑ.
Nɑ nun nɑɑnɛ sɑ̃ɑ domi ɑ mɑn fɑɑbɑ kuɑ.
Yen sɔ̃nɑ nɑ nuku dobu mɔ.
Wunɑ kon siɑrɑ kɑ womusu.