1 I Yinni Gusunɔ wom kpɔɔ kuo,

domi u sɔm mɑɑmɑɑkiɡinu kuɑ.

Win dɑm sɑɑbu u nɑsɑrɑ wɑ.

2 Yinni Gusunɔ u tɔmbu win fɑɑbɑn ɡɑri tubusiɑ.

U sɔ̃ɔsi mɑ u sɑ̃ɑ ɡemɡii.

3 U win durom kɑ win bɔrɔkiniru yɑɑyɑ Isirelibɑn sɔ̃.

Hɑnduniɑn ɡoonu nnɛ kpuro sɔɔ bɑ win fɑɑbɑ ye wɑ.

4 Bɛɛ hɑnduniɑɡibu kpuro, i nɔɔɡiru suo kɑ nuku dobu.

I nuku dobun kuuki koowo i kɑ nùn siɑrɑ i nùn tɔmɑ kɑ womusu.

5 I nùn womusu kuo kɑ mɔrɔkunu.

I nùn tɔmɔ kɑ ɡɔ̃ɔɡenu.

6 I nùn womusu kuo kɑ kɔbi kɑ ɡuunu.

I tɑki koowo wi, sinɑ bokon wuswɑɑɔ kɑ nuku dobu.

7 Nim wɔ̃ku kɑ ye yɑ wɑ̃ɑ ɡe sɔɔ, yu nɔɔɡiru suo.

Tem kɑ ye yɑ wɑ̃ɑ mɛ sɔɔ, yu womu koowo.

8 Dɑɑ bɑkɑnu nu tɑki koowo.

Guunu nu nuku dobun kuuki koowo

sɑnnu sɑnnu Yinni Gusunɔn wuswɑɑɔ.

9 Domi u wee u hɑnduniɑɡibu siri.

U koo bu siriwɑ ɡem sɔɔ.