100
Siɑrɑbun womu. Ge wee.
Bɛɛ hɑnduniɑɡibu kpuro,
i Yinni Gusunɔ tɑkɑru koowo kɑ nuku dobu.
I nùn sɑ̃ɑwɔ kɑ ɡɔ̃ru dobu.
I nɑ win mi, i n womusu mɔ̀ kɑ yɛ̃ɛribu.
I n yɛ̃ mɑ wi turowɑ u sɑ̃ɑ Gusunɔ.
Wiyɑ u sun tɑkɑ kuɑ.
Sɑ sɑ̃ɑwɑ win tɔmbu.
Sɑ sɑ̃ɑwɑ nɡe yɑ̃ɑ ɡɔ̃ɔ ɡe u kpɑre.
I duo win sɑ̃ɑ yerɔ i nùn siɑrɑ.
I duo mi, i nùn tɔmɑ.
I nùn wɔlle suo.
I win yĩsiru bɛɛrɛ wɛ̃ɛyɔ.
U sɑ̃ɑwɑ tɔn ɡeo.
Win kĩru tɑ ǹ nɔru mɔ.
U sɑ̃ɑwɑ nɑɑnɛɡii sere kɑ bɑɑdommɑɔ.