1 Sɑ sɔ̃wɑ Bɑbilonin dɑɑrun ɡoorɔ

mɑ sɑ sumɔ sɑ kɑ Siɔni yɑɑyɑmɔ.

2 Sɑ bɛsɛn mɔrɔkunu bwɛ̃ dɑ̃ɑɔ.

3 Be bɑ sun tɑbu di bɑ nɛɛ, su womu koowo.

Be bɑ sun dɑm dɔremɔ bɑ nɛɛ, su Siɔnin womusu ko kɑ nuku dobu.

4 Adɑmɑ ɑmɔnɑ sɑ ko kpĩ su Yinni Gusunɔ womusu kuɑ tem tukumɔ.

5 Yerusɑlɛmu, nɑ̀ n nun duɑri, nɛn nɔm ɡeu ɡu ɡbio.

6 Nɑ̀ kun nun yɑɑye kpɑ ɑ n sɑ̃ɑ nɛn nuku dobun nuuru,

nɛn yɑrɑ yu nɛn dɑro mɑniɔ.

7 Yinni Gusunɔ, ɑ de ɑ Edɔmubɑn ɡɑri yɑɑyɑ

yi bɑ ɡeruɑ sɑnɑm mɛ bɑ Yerusɑlɛmu kɑm koosiɑmɔ

bɑ nɛɛ, bu ye kɛro mɑm mɑm sere kɑ yen kpɛɛkpɛɛkuɔ.

8 Bɑbiloniɡibu, i sɑ̃ɑwɑ be bɑ koo kɑm koosiɑ.

Doo nɔɔruɡiiwɑ wi u koo bɛɛ kɔ̃sɑ yèn bweseru i rɑɑ sun kuɑ kɔsie.

9 Doo nɔɔruɡiiwɑ wi u koo bɛɛn bibu sɛ̃re u kɔsuku kperu wɔllɔ.