1 Cha Pulos o Silwánus*1:1 Silwánus hamá Silás ent ke kásedáni káray ketábá ham áiay nám geraga bit. o Timutáusay némagá,

pa Tesálunikiáni kelisáyá ke Hodáén Pet o Hodáwandén Issá Masihayg ent.

Rahmat o émeni shomárá sar bát.

2 Má har wahdá wati dwáyáni tahá shomay námá gerén o modám pa shomá sajjahénán Hodáay shográ gerén. 3 Má wati Hodáén Petay démá modám shomay báwarmandi kárán o pormehrén zahmatán o sagg o bardáshtá yáta kanén ke áyáni sarchammag hamá omét ent ke shomárá may Hodáwandén Issá Masihay sará hastent.

4 Oo brátán! Oo Hodáay dóstigén mardomán! Má zánén ke shomá Hodáay gechén kortagén ét, 5 chéá ke may wasshén mestág†1:5 Mestág, bezán wasshén hál, bashárat. hoshkén gappé naat ke shomárá sar but, zór o wák‡1:5 Wák, bezán zór, tákat. o Pákén Ruhi ham gón at o mohkamén setké§1:5 Setk, bezán báwar, yakin. ham mán ati. Shomá zánét ke má gón shomá chón atén o má pa shomá ché kort.

6 Shomá mayg o Hodáwanday randgir jórh butét, chéá ke gránén sakki o sóriáni tahá shomá may habar pa galé zort, gón anchén shádmánié ke cha Pákén Ruhá rasit. 7 É káray sawabá shomá pa Makduniah o Akáyahay sajjahén báwarmandán mesálé jórh butét. 8 Chéá ke Hodáwanday habaray tawár cha shomá sheng but, tahná Makduniah o Akáyahá na, Hodáay sará shomay báwar har jágah zánag but. Paméshká zalurat naent ke má eshiay bárawá chizzé begwashén. 9 Chéá ke shomá márá chón wasshátk kort, mardom wat é kessahá kanant, o é gappá ham kanant ke shomá chón botparasti yalah dát o dém pa Hodáyá átkét ke namirán o rástén Hodáay parastesh o hezmatá bekanét o 10 áiay Chokkay wadárá bebét, hamá ke cha ásmáná kayt, hamá ke Hodáyá cha mordagán zendag kort, bezán Issá ke márá cha áyókén gazabá rakkénit*1:10 Rakkénag, bezán neját dayag, bacchénag..