Pa Timutáusá
Pulosay awali kágad
Pa Timutáusá Pulosay awali kágaday pajjár
1
Salám o drót
Cha Pulosay némagá, mane Pulos ke cha may rakkénókén Hodá o may omét Issá Masihay hokmá, Issá Masihay kásedé án,
pa Timutáusá, ke imánay hesábá mani hakkigén chokk ent.
Cha Hodáén Pet o may Hodáwandén Issá Masihay némagá tará rahmat o rahm o émeni sar bát.
Drógén ostád
Hamá wahdá ke Makduniahá rawagá atán, man gón taw dazbandi kort o annun ham gwashán ke Epésosay shahrá bedár o lahtén mardom ke drógén tálim dayagá ent, áyán hokm beday ke wati é kárá band bekanant o watgarhén kessah*1:4 Watgarhén kessah, bezán hamá kessah ke ensáná jórh kortagant. o halás nabayókén sar o bonáni1:4 Sar o bon, bezán pet o pirok o bonpirok o poshtáni nám gerag. némagá ham delgósh makanant. É chizz Hodáay káray démá baragay badalá arh o korh addha kanant, chéá ke Hodáay kár cha imánay ráhá démá rawt. É hokmay maksad mehr ent ke cha sapáén del o pákén zamir o delsetkén imánéá pédá bit. Lahtén ostádá é chizz yalah kortagant o gomráh butagant o bémánáén gappáni tahá mán gisshetagant. É mardom Sharyatay zánóger1:7 Sharyatay zánóger, bezán dini álem o Mussáay Sharyatay zántkár. bayaga lóthant bale nazánant ke ché gwashagá ant o hamá chizzáni bárawá ke pa deljami habara kanant, á chizzáni jendá ham sarpada naant.
Má zánén ke Sharyat sharr ent, bale agan yakké pa sharri kári bebandit. Má é ham zánén ke Sharyat pa pahrézkárán jórh kanag nabutag, pa Sharyatay próshókán, pa sarkasshán, pa hodánáparmán o gonahkárán, pa nápák o bédinán, pa hamáyán ke wati pet o mátána koshant, pa hónigán, 10 pa syahkárán§1:10 Syahkár, bezán hamá mardom ke náráhén wapt o wába kant, hamá ke zená kant., pa lawátkárán*1:10 Lawátkár, bezán hamá mardén ke gón mardénán wapt o wába kant., pa golámáni tájerán, pa drógband o drógén sawgend warókán o pa é dega hamá mardomán jórh kanag butag ke rástén tálimay heláp ant, 11 hamá tálim ke áiay sarchammag mazanshánén Hodáay porshawkatén wasshén mestág1:11 Mestág, bezán wasshén hál, bashárat. ent ke mani dastá dayag butag.
Pa Pulosá Hodáay rahmat
12 May Hodáwandén Issá Masih ke maná zór o wáki dátag, man áiay shográ gerán ke áiá maná wapádár zánt o pa wati hezmatkáriá dásht. 13 Har chont ke pésará kopr kanók, ázár dayók o sheddatién1:13 Sheddati, bezán jang o jérhah kanók, arh o korh kanók. mardomé atán, bale Hodáwandá mani sará rahm kort, chéá ke man cha wati nábáwariá zánagá naatán ke ché kanagá án. 14 Haw, may Hodáwanday rahmatán mani sará békesás§1:14 Békesás, bezán béhesáb, sakk báz. gwart. Maná cha hamá imán o mehrá sarréchi kort ke cha Issá Masihay némagá rasant.
15 É gapp rást ent o sarjamiá mannaga karzit ke Issá Masih pa gonahkáráni rakkénagá donyáyá átk o esháni tahá ganterén man án. 16 Bale mani sará paméshká rahm kanag but ke Issá Masihá lóthet gón man wati békesásén sabr o ópárá záher bekant, man ke cha sajjahénán ganter án, o é paymá man pa hamá mardomán mesálé bebán ke áiay sará imána kárant o abadmánén zendéay wáhonda*1:16 Wáhond, bezán málek, hodábond. bant. 17 Abadmánén bádsháh, bezán hamá yakkén Hodá ke namirán ent o cha chammán chér o andém ent, áiay ezzat o shawkat abad tán abad barjáh bát. Anchosh bát. Ámin.
18 Timutáus, mani chokk! Man tará é hokmá, hamá péshgóiáni bonyádá dayán ke yakk randé tai bárawá kanag butagant tánke taw áyáni tránagá1:18 Tránag, bezán yát, hayál, tahtál. bekapay o é nékén johdá kort bekanay o 19 wati imán o pákén zamirá barjáh dásht bekanay. Lahtén mardomá wati zamiray tawár gósh nadáshtag o wati imánesh zawál kortag. 20 Cha eshán yakké Himenáus ent o yakké Sekandar ke man cha kelisáyá kasshetag o yakkerr kortagant1:20 Asligén Yunáni nebeshtánka gwashit: man Shaytánay dastá dátagant. ke ebrat begerant o kopr makanant.

*1:4 1:4 Watgarhén kessah, bezán hamá kessah ke ensáná jórh kortagant.

1:4 1:4 Sar o bon, bezán pet o pirok o bonpirok o poshtáni nám gerag.

1:7 1:7 Sharyatay zánóger, bezán dini álem o Mussáay Sharyatay zántkár.

§1:10 1:10 Syahkár, bezán hamá mardom ke náráhén wapt o wába kant, hamá ke zená kant.

*1:10 1:10 Lawátkár, bezán hamá mardén ke gón mardénán wapt o wába kant.

1:11 1:11 Mestág, bezán wasshén hál, bashárat.

1:13 1:13 Sheddati, bezán jang o jérhah kanók, arh o korh kanók.

§1:14 1:14 Békesás, bezán béhesáb, sakk báz.

*1:16 1:16 Wáhond, bezán málek, hodábond.

1:18 1:18 Tránag, bezán yát, hayál, tahtál.

1:20 1:20 Asligén Yunáni nebeshtánka gwashit: man Shaytánay dastá dátagant.