2
Pa báwarmandán sar o sój
1 Gorhá cha har chizzá pésar mani dazbandi esh ent ke pa sajjahén mardomán arz o peryát, dwá, myánjigeri*2:1 Edá myánjigeriay máná pa degarán dwá kanag ent. o shogrgozári bekanét, 2 pa bádsháhán o pa sajjahén ehtiárdárán ham dwá bekanét tánke má pa sarjamén Hodádósti o páki, émen o hámóshén zendé gwázént bekanén. 3 Hamé kár sharr ant o may neját dayókén Hodáyá dósta bant, 4 hamá Hodá ke pa sajjahén mardomán nejátay wáhagdár†2:4 Wáhagdár, bezán lóthók, delmánag, hodónák. ent o lóthit ke har mardom rástiá pajjáh byárit o bemannit.
5 Chéá ke Hodá yakké. Hodá o ensánay nyámá myánjiger ham yakké o á Issá Masih ent ke wat ham ensáné. 6 Áiá pa sajjahén mardománi mókagá‡2:6 Mókagay máná edá esh ent ke pa kaséay jánay rakkénagá gránén kimmaté dayag bebit, Pársiá “bázkharid”. watá nadr kort. É gappay sháhedi wati wahdá dayag but. 7 Man pa é maksadá gechén kanag butagán ke jár janók o kásedé bebán o darkawmán imán o rástiay tálimá bedayán. Man rást gwashagá án, dróg nabandagá án.
8 Mana lóthán ke mardén zahr gerag o ják o jérhahán yalah bedayant o har jágah pák o palgárén dastán borz bekanant o dwá belóthant. 9 Cha janénán ham lóthán ke shehm o rahdár§2:9 Shehm o rahdár, bezán hamá mardom ke ráh o rahbandána mannit. Ordu o Pársiá pa “nazm o tartib”, Angréziá “disciplined”. bebant o monásebén póshák gwará bekanant. Watá gón warh warhá gwaptagén mudán o teláh o morwáred o gránbaháén pocch o póshákán masambahénant. 10 Esháni badalá, watá gón anchén sharrén kár o kerdán besambahénant ke hamá janénán zéba dayant ke watá Hodádósta gwashant.
11 Janén báyad ent pa hámóshi o parmánbardári tálim begerant. 12 Man janénéá ejázata nadayán ke mardénéá tálim bedant yá mardénéay sará báládast bebit. Janén báyad ent pa hámóshi gósh bedárit. 13 Chéá ke pésará Ádam jórh but o randá Hawá. 14 O é Ádam naat ke rad dayag but, áiay janén at ke rad dayag but o náparmán but. 15 Bale janén, Chokkay*2:15 Lahtén zántkára gwashit ke edá “Chokk” Issá Masihay némagá eshárahé. pédá kanagay barkatá rakkit, agan janén imán o mehr o pákiay ráhá pa sangini démá rawán bebant.
*2:1 2:1 Edá myánjigeriay máná pa degarán dwá kanag ent.
†2:4 2:4 Wáhagdár, bezán lóthók, delmánag, hodónák.
‡2:6 2:6 Mókagay máná edá esh ent ke pa kaséay jánay rakkénagá gránén kimmaté dayag bebit, Pársiá “bázkharid”.
§2:9 2:9 Shehm o rahdár, bezán hamá mardom ke ráh o rahbandána mannit. Ordu o Pársiá pa “nazm o tartib”, Angréziá “disciplined”.
*2:15 2:15 Lahtén zántkára gwashit ke edá “Chokk” Issá Masihay némagá eshárahé.