1 بادشاه هیرودیسئے اَهد و باریگا، وهدے ایسّا یَهودیَهئے دَمگئے شهر بئیت‌لَهِما پێدا بوتگ‌اَت، گڑا چه رۆدراتکا*2‏:1 رۆدراتک، بزان هما نێمگ که رۆچ درَ کئیت، مَشرِک. لهتێن نجومی اورْشَلیمئے شهرا آتک. 2 جُستِش گپت: «هما نُنُّک که په یَهودیانی بادشاهیا پێدا بوتگ، کجا اِنت؟ ما آییئے اِستار در آیگا دیستگ و په آییئے پرستش کنگا آتکگێن.» 3 چه اے هبرئے اِشکنگا، هیرودیس بادشاه و اورْشَلیمئے سجّهێن مردم باز پرێشان و دِلتپرکه†2‏:3 دِلتَپَرکَه، بزان پرێشان، دِلتْرَکّ. بوتنت. 4 هیرودیسا کئومئے سجّهێن دینی پێشوا و شَریَتئے زانۆگر‡2‏:4 شَریَتئے زانۆگر، بزان دینی آلِم و موسّائے شَریَتئے زانتکار. لۆٹت و جُست گپتنت که «مَسیهئے پێدایش کجا بئیگی اِنت؟» 5 آیان پَسّئو§2‏:5 پَسّئو، بزان جواب. دات: «یَهودیَهئے شهر بئیت‌لَهِما پێدا بیت، چیا که نبیئے کتابا نبشته اِنت:

7 گڑا هیرودیسا نجومی چێراَندری لۆٹتنت و آ اِستارئے در آیگ و زاهر بئیگئے اَلّمێن وهدی جُست کرت که کدێن اَت. 8 رندا آییا نجومی په هما نُنُّکئے شۆهاز و در گێجگا بئیت‌لَهِما راه داتنت و گوَشتی: «برئوێت و اے چُکّئے بارئوا شَرّ پَٹّ و پۆل بکنێت، وهدے شما در گێتک، منا سهیگ بکنێت تان من هم په آییئے پرستش کنگا برئوان.» 9 بادشاهئے هبرانی اِشکنگا رند، نجومی سر گپتنت. راها رئوان، هما اِستار که آیان در آیگا دیستگ‌اَت، آیانی دێما پێش کپان، هما جاگهئے سَربُرا اۆشتات، که نُنُّک اۆدا اَت. 10 چه اے اِستارئے گِندگا، سکّ باز وشدِل بوتنت. 11 لۆگا شتنت و نُنُّکِش آییئے مات مَریمئے گوَران دیست. گڑا کۆنڈان کپتنت و چُکِّش پرستش کرت، وتی تُهپه و ٹێکیانی هُکّه†2‏:11 هُکّه، بزان گوَنڈێن سندوکے که سَهت و زێوری مانَ کننت. و زباددانِش پَچ کرتنت و سُهر و سۆچگی و مُرِّش په نُنُّکا سئوگات کرتنت. 12 رندا، هُدایا وابا آ هُژّار کرتنت که هیرودیسئے کِرّا پِر مترّنت. گڑا چه دگه راهے، وتی مُلکا شتنت.

13 نجومیانی پِر ترّگا رند، هُداوندئے پرێشتگے ایسُّپئے وابا آتک و گوَشتی: «چُکّ و چُکّئے ماتا بزور و مِسرا بتچ، تان من ترا نگوَشان همۆدا بدار، چیا که هیرودیس چُکّئے در گێجگ و کُشگا دلمانگ اِنت.» 14 گڑا، ایسُّپ اَنچش که چه وابا آگاه بوت، چُکّ و چُکّئے ماتی زرت و شپی شپ دێم په مِسرا شت. 15 تان هیرودیسئے مَرکا همۆدا منتنت تان هُداوندئے هما هبر راست و پَدّر ببیت که چه نبیئے کئولا گوَشگ بوتگ‌اَت: من وتی بَچّ چه مِسرا لۆٹت و آورت.‡2‏:15 هوشَه نبیئے کتاب 11‏:1.

16 وهدے هیرودیس سهیگ بوت که نجومیان آ رَد داتگ، باز زهر گپت. پرمانی دات: «بئیت‌لَهِم و کِرّ و گوَرئے دو سالیگ یا کَسترێن سجّهێن مردێن‌چُکّ کُشگ ببنت.» اَنچش که آییا پێسرا نجومی جُست و پُرس کرتگ‌اتنت، هما هسابا اے وهدی گیشّێنت. 17 اے ڈئولا اِرِمیا نبیئے کتابا هُدائے هما هبر سَرجم بوتنت که گوَشتگ‌اتی:

19 هیرودیسئے مَرکا رَند، مِسرا هُداوندئے پرێشتگے ایسُّپئے وابا آتک. 20 پرێشتگا گوَشت: «پاد آ، چُکّ و چُکّئے ماتا بزور و پدا وتی مُلک، اِسراییلا پِر بترّ. چیا که چُکّئے کُشگئے شئور بُرّۆک*2‏:20 شئور بُرّۆک، بزان پئیسله کنۆک. مُرتگ‌اَنت.» 21 نون ایسُّپ پاد آتک و چُکّ و چُکّئے ماتی زرتنت و پدا اِسراییلئے مُلکا آتک. 22 بله وهدے سهیگ بوت که هیرودیسئے جاها آییئے چُکّ اَرکِلاووسیَهودیَهئے دَمگئے بادشاه اِنت، گڑا اۆدئے رئوگی تُرست. وهدے چه وابێا ڈاهے†2‏:22 ڈاه، بزان هشدار، وارنینگ. رَستی، وتا په جَلیلئے دَمگا رسێنتی. 23 اۆدا، ناسِرَهئے شهرا جهمنند‡2‏:23 جهمنند، بزان جاگهێئے نِشتگێن مردم، ساکن، آباد. بوت تان اے پئیما نبیانی هبر راست و پَدّر ببیت که آ ناسِری گوَشگَ بیت.