1 منا کَدّ و کِساس کنگی لَٹّے*11‏:1 اَسلیگێن یونانی نبشتانکَ گوَشیت: منا کلم و کاشے دئیگ بوت که کَدّ و کِساس کنگی لٹێئے پئیما اَت. دئیگ بوت و گوَشگ بوت: «پاد آ، هُدائے پرستشگاها و کُربانجاها کَدّ و کِساس کن و هما مردمان هساب کن که اۆدا پرستشَ کننت. 2 بله پرستشگاهئے ڈنّی پێشجاها†11‏:2 پێشجاه، بزان پێشگاه، لۆگئے چاردیوال، سَهن. یله کن، کَدّ و کِساسی مکن چیا که اے درکئومان دئیگ بوتگ. آ، پاکێن شهرا تان چِلّ و دو ماها لگتمالَ کننت. 3 و من وتی دو شاهدا واک و اِهتیارَ دئیان که تان هما هزار و دوسد و شستێن رۆچان پئیگمبری بکننت. اِشان گۆنی گوَرا بیت.» 4 اے، هما دوێن زئیتونئے درچک اَنت، زمینئے هُداوندئے دێما اۆشتاتگێن دوێن چِراگدان اَنت. 5 و اگن کَسے اِشان تاوان دئیگ بلۆٹیت، چه اِشانی دپا آس درَ کئیت و دژمنانَ وارت. گڑا اگن کَسے اِشان تاوان دئیگ بلۆٹیت، همے ڈئولا اَلّما کُشگَ بیت. 6 اِشان آسمانئے بند کنگئے اِهتیار گۆن اِنت تانکه اِشانی پئیگمبریئے رۆچان هچ هئور مبیت و اِهتیارِش هست که آپا هۆنئے تها بدل بکننت و هر وهدا که بلۆٹنت، گۆن هر پئیمێن وباێا زمینا جتَ کننت.

7 وهدے اِشان وتی شاهدی سَرجم کرت، چه جُهلێن تَهتَرونا در آیۆکێن رستر گۆن اِشان جنْگَ کنت، اِشان شِکستَ دنت و کُشیت و 8 اِشانی جۆن اورْشَلیمئے‡11‏:8 اَسلیگێن یونانی نبشتانکَ گوَشیت: مزنێن شهرئے. بازارا اێر کنگَ بنت، هما شهر که په مِسالے سُدوم و مِسرئے ناما زانگَ بیت، همۆدا که اِشانی هُداوند سَلیب کَشّگ بوتگ. 9 تان سئے و نێم رۆچا چه هر کئوم، کَبیله، زبان و راجا مردم اِشانی جۆنانَ چارنت بله کَبر و کپُن کنگِشَ نئیلنت. 10 زمینئے سرا نِشتگێن مردم، اِشانی سرا گَلَ بنت و جَشنَ گرنت و په یکدومیا ٹێکی دێمَ دئینت، چیا که اے دوێن پئیگمبران زمینئے سرا نِشتگێن مردم آزار داتگ‌اَنت.

11 بله سئے و نێم رۆچا رند، چه هُدائے نێمگا زِندئے روه اِشانی جۆنا پِر ترّت و اے وتی پادانی سرا اۆشتاتنت. هرکَسا که دیستنت، مزنێن تُرسے آییئے جانا کپت. 12 پدا اِشان بُرزێن تئوارے اِشکت که چه آسمانا گۆن اِشان گوَشگا اَت: «اِدا، بُرزاد بیاێت.» اِشانی دژمن چارگا اتنت و اے، جمبرێئے تها بُرزاد آسمانا شتنت. 13 هما دمانا بلاهێن زمین‌چَنڈے آتک و شهرئے ده‌یک تباه بوت. زمین‌چَنڈا هپت هزار مردم مُرت. پَشت کپتگێنان سکّ باز تُرست و بُرزێن اَرشئے هُدااِش شان و شئوکت دات.

14 دومی «اَپسۆز» گوَستگ، بچار، سئیمی «اَپسۆز» زوتّ آیَگی اِنت.

15 هپتمی پرێشتگا وتی کَرنا جَت. آسمانا بُرزێن تئوار اتنت که گوَشگا اتنت:

16 نون بیست و چارێن کماش که وتی تهتانی سرا هُدائے دێما نِشتگ‌اتنت، دێم په چێر کپتنت و هُدااِش نازێنت. 17 گوَشتِش:

19 پدا هُدائے پرستشگاه اَرشا پَچ کنگ بوت و هُدائے اَهد و کَرارئے پێتی،§11‏:19 پێتی، بزان سندوک. آییئے پرستشگاهئے تها گِندگ بوت. گْرۆکی شَهم، بُرزێن تئوار و گْرند اتنت، زمین‌چَنڈ و سَکّ باز ترۆنگل بوت.