1 آسمانا مزنێن نشانیے زاهر بوت: جنێنے که رۆچ آییئے پۆشاک اَت، ماه پادانی چێرا و دوازده اِستاری تاجے سرا اَتی. 2 لاپی پُرّ اَت و چه چِلّگی دردان کوکّارا اَت، چِلَّگ بئیگئے تئورشتان اَت. 3 پدا دگه نشانیے آسمانا زاهر بوت: بلاهێن سُهرێن اژدیاے، هپت سَرَگ و ده کانٹی پِر اَت و هپت تاجی سرا اَت. 4 اژدیائے لِٹّکا آسمانئے اِستارانی سئےیک رُپت و زمینا دئور دات. جنێن که چُکّا کپگی اَت، اژدیا، جنێنئے دێما اۆشتاتگ‌اَت تان انچۆ که آییئے چُکّ پێداکَ بیت، هما دمانا چُکّا بوارت. 5 جنێنا مَردێن‌چُکّے پێدا کرت، هما که «آییا سجّهێن کئومانی سرا گۆن آسنێن اَساێا هُکمرانی کنگی اِنت.» جنێنئے چُکّ پَچ گرگ و هُدا و آییئے تَهتئے کرّا برگ بوت. 6 جنێن تتک و گیابانا شت که اۆدا هُدایا په جنێنا جاگهے تئیار کرتگ‌اَت تانکه آ، هزار و دوسد و شست رۆچا اۆدا چارگ و دلگۆش کنگ ببیت. 7 پدا آسمانا جنْگے بِندات بوت. میکاییل و آییئے پرێشتگان اژدیائے هلاپا جنْگ کرت. اژدیا و آییئے پرێشتگان هم جنْگ کرت. 8 بله اژدیا سرزۆر نبوت و چه اِد و رند آسمانا په آییا و آییئے پرێشتگان جاگهے نبوت. 9 بلاهێن اژدیا در کنگ بوت، هما کوَهنێن مار، که اِبلیس و شئیتان گوَشگَ بیت و سجّهێن دنیایا گُمراه کنگا اِنت. آ گۆن وتی پرێشتگان زمینا دئور دئیگ بوت.

10 پدا من بُرزێن تئوارے چه آسمانا اِشکت که گوَشگا اَت:

13 وهدے اژدیایا دیست که من گلّێنگ و زمینا دئور دئیگ بوتگان، هما جنێنئے رَندا کپت که مردێن‌چُکّی پێدا کرتگ‌اَت. 14 جنێنا مزنێن وَکابئے دو بانزُل دئیگ بوت تانکه بال بکنت و گیابانا وتی جاگها شت بکنت. آ، اۆدا تان وهدێا، وهدان و نێم وهدا*12‏:14 پاکێن کتابئے بازێن زانتکارێئے گُمانا اِشیئے مانا سئے و نێم سال اِنت. چه مارئے دَزرسا دور دارگ و هئیالداری کنگَ بیت. 15 گڑا مارا چه وتی دپا کئورێئے پئیما آپ پیژّار دات تان جنێنا هار ببارت. 16 بله زمینا جنێن کُمک کرت، وتی دپی پَچ کرت و هما کئوری اێر برت که اژدیایا چه وتی دپا در کرتگ‌اَت. 17 اژدیا جنێنئے سرا سکّ زهر گپت و گۆن آییئے اے دگه چُکّان په جنْگا در کپت، گۆن هما چُکّان که هُدائے هُکمانی منّۆک اَنت و په ایسّایا وتی شاهدیئے سرا مُهر اۆشتاتگ‌اَنت. 18 نون اژدیا، تئیابئے رێکانی سرا اۆشتات.