4
Ebráhémay mesál
1 Gorhá ché begwashén? Ebráhém ke jesmi hesábá may bonpirok ent, áiá ché dar gétk? 2 Agan Ebráhém cha wati kár o kerdá rástáwar o bémayár hesáb butén, áiá chizzé hastat ke áiay sará pahr bebandit, bale Hodáay chammán chosh naent. 3 Pákén Ketáb ché gwashit? Ebráhémá Hodáay sará báwar kort o hamé báwar pa áiá rástáwari hesáb but.*4:3 Pédáesh 15:6. 4 Nun kasé ke kára kant, áiay mozz dád o baksheshé hesába nabit, áiay hakk ent. 5 Bale á ke nékén káráni sará óst o ométa nakant, hamá Hodáay sará óst o ométa kant ke radkár o náparmánán rástáwara kant, áiay imán pa áiá rástáwari hesába bit.
6 Hamé paymá Dáud ham hamá mardomay bahtáwariay kessahá kárit ke Hodá áiay kár o kerdá nachárit o áiá pák o palgár hesába kant. Dáuda gwashit:
7 “Bahtáwar ant hamá ke áyáni náshari†4:7 Náshari, bezán Sharyatay hokmáni sará amal nakanag.bakshag o
gonáh shódag butagant.
9 Záná, bahtáwari tahná pa hamáyán ent ke sonnat kanag butagant? Yá pa áyán ent ham ke sonnat kanag nabutagant? Má gwashén ke Ebráhémay imán pa áiá rástáwari hesáb but. 10 Chónén hál o jáwaréá§4:10 Jáwar, bezán hálat. chosh but? Sonnat bayagá pésar yá sonnat bayagá rand? Pakká ent ke sonnat bayagá pésar rástáwar hesáb but, randá na. 11 Bale sonnat bayagay nesháni áiá raset tánke áiay rástáwariay sará mohré bebit, hamá rástáwari ke sonnat bayagá pésar cha imánay ráhá hastati. Gorhá Ebráhém hamá sajjahén mardománi peta bit ke bé sonnat bayagá imána kárant o é dhawlá rástáwar o bémayár hesába bant. 12 Hamé paymá, Ebráhém áyáni ham peta bit ke na tahná sonnat kanag butagant, imánay ráhá ham gám janagá ant, hamá ráhá ke may pet Ebráhémá cha sonnat bayagá pésar gáma jat.
Ebráhém o wádah
13 Ebráhém o áiay nasl o padréchá*4:13 Padréch, bezán nasl, chokk o óbádag. jahánay mirásdár†4:13 Mirásdár, bezán mirás barók, mirásá sharikdár, wáres. bayagay wádah cha Sharyatay ráhá naraset, cha hamá rástáwariay ráhá raset ke cha imáná kayt. 14 Parchá ke agan Sharyatay randgir mirásdár buténant, imán béarzesh o wádah bémáná at, 15 chéá ke Sharyat kahr o gazaba kárit. Bale ódá ke Sharyat néstent, próshag ham nabit.
16 Paméshká, wádah cha imánay ráhá puraha bit, tánke wádahay bonyád rahmat bebit o áiay purah bayagay zamánat Ebráhémay sajjahén nasl o padréchá dayag bebit. É wádah tahná pa Sharyatay randgirána nabit, pa áyán ham bit ke Ebráhémay imáná sharikdár ant, parchá ke Ebráhém may sajjahénáni pet ent. 17 Anchosh ke nebisag butag: “Man tará bázén kawméay pet kortag.”‡4:17 Pédáesh 17:5. Gorhá, Hodáay chammán Ebráhém may pet ent, hamá Ebráhém ke Hodáay sará báwari hastat ke Hodá mordagán zendaga kant o hamá chizz ke néstant, áyán gwánka jant o hasta kant.
18 Wahdé hecch omété néstat, Ebráhémá gón ométwári báwar kort ke bázén kawméay peta bán. Anchosh ke Hodáyá gón Ebráhémá gwashtagat: “Tai nasl o padréch estáráni kesásá báza bant.”§4:18 Pédáesh 15:5. 19 Ebráhémá wati bésáhén badan cháret ke áiá kesás sad sál at, o Sárahay santhi o béchokkii ham dist, bale angat áiay imán nezór nabut. 20 Hodáay wádahay sará Ebráhém nábáwar nabut o shakki nakort, á wati imánay sará mohr óshtát o Hodáay satá o sanái kort. 21 Deljam at ke Hodáyá é wák*4:21 Wák, bezán zór, tákat. o twán hast ke wati wádahá purah bekant. 22 Paméshká cha Hodáay némagá“rástáwar hesáb but”. 23 Pákén Ketábay é labz ke “hesáb but” tahná pa Ebráhémá nebisag nabutag, 24 pa má ham nebisag butag. Má ham cha Hodáay némagá rástáwar hesába bén, má ke Hodáay sará báwara kanén ke áiá may Hodáwandén Issá cha mordagán zendag kort. 25 Issá pa may náparmánián, markay dastá dayag but o pa may rástáwar bayagá, cha mordagán zendag kanag but.
*4:3 4:3 Pédáesh 15:6.
†4:7 4:7 Náshari, bezán Sharyatay hokmáni sará amal nakanag.
‡4:8 4:8 Zabur 32:1-2.
§4:10 4:10 Jáwar, bezán hálat.
*4:13 4:13 Padréch, bezán nasl, chokk o óbádag.
†4:13 4:13 Mirásdár, bezán mirás barók, mirásá sharikdár, wáres.
‡4:17 4:17 Pédáesh 17:5.
§4:18 4:18 Pédáesh 15:5.
*4:21 4:21 Wák, bezán zór, tákat.