1 ما که زۆرمند اێن، باید اِنت نِزۆرێن باورمندانی کَمزۆریان وتی بَڈّا بزورێن و بسّ وتی جندئے وشّیانی رندا مبێن. 2 چه ما هر یکّے وتی همساهگا په آییئے رُست و رُدۆمئے شَرّێن مکسدا وشنۆد بکنت. 3 چیا که مَسیه هم وتی وَشنۆدیئے پدا نه‌اَت، اَنچش که نبشته اِنت: «تئیی رَد و بد کنۆکانی رَد و بد، منی سرا کپتگ‌اَنت.»*15‏:3 زَبور 69‏:9. 4 هر چیزّے که پێسرا نبیسگ بوتگ، په مئے تالیما بوتگ، تان گۆن پاکێن کتابئے بَکشتگێن سَبر و دِلبڈّیا مارا اُمێت برسیت. 5 نون سَبر و دِلبڈّیئے هُدا شمارا اَنچێن زِندے ببَکشات که ایسّا مَسیهئے پئیما گۆن یکدومیا همدل و همسِتک ببێت، 6 تان شما په همدلی و همتئواری هُدا، بزان مئے هُداوندێن ایسّا مَسیهئے پتا، سَتا و سَنا بکنێت. 7 نون په هُدائے شان و شئوکتا، شما یکدومیا هما پئیما وشّ‌آتک بکنێت و بزورێت که مَسیها شمارا زرتگ.

8 شمارا گوَشان که په هُدائے راستیئے پجّارگا، مَسیه یَهودیانی†15‏:8 اَسلیگێن یونانی نبشتانکَ گوَشیت: «سُنّت کرتگێنانی». هِزمتکارے بوتگ تانکه هما کئول و وادهان پکّا بکنت که بُنپیرُکان دئیگ بوتگ‌اتنت و 9 تانکه درکئوم، هُدایا په آییئے رهمتان ستا و سنا بکننت. اَنچش که نبیسگ بوتگ:

10 پدا گوَشگ بوتگ:

11 دێمترا:

12 اِشئیا نبی هم گوَشیت:

13 اُمێتئے هُدا که شما آییئے سرا باور کرتگ، شمئے دلا چه شادهی و سُهل و آرامیا پُرّ کنات، تان گۆن پاکێن روهئے واک و زۆرا چه اُمێتا سررێچ ببێت.

14 او براتان! من دلجم آن که شما وت چه شَرّی و نێکیا پُرّ اێت، هر پئیمێن زانتا تمان اێت و په یکدومیئے پنت و تالیما توانا اێت. 15 بله من شمئے سرا لهتێن چیزّانی بارئوا په دلێری نبشتگ تان پدا آ چیزّان شمئے یاتا بیاران. اے چه هما رهمتا اِنت که هُدایا منا بَکشتگ، 16 که من په درکئومان ایسّا مَسیهئے هزمتکار ببان و په هُدائے وشّێن مستاگئے رسێنگا هزمت و پێشوایی بکنان، تانکه درکئوم هُدائے درگاها زرتگێن هئیراتے ببنت که چه پاکێن روها پَلگارگ بوتگ. 17 گڑا، په ایسّا مَسیهئیگی، په هُدایا وتی کرتگێن هِزمتانی سرا پهرَ کنان. 18 منا بسّ هما کارانی بارئوا هبر کنگئے تَهْم و جُریت هست‌اِنت که مَسیها چه منی دستا، بزان چه منی هبر و کاران، کرتگ‌اَنت تان درکئوم پرمانبَردار ببنت. 19 آییا اے کار، چه نشانی و مۆجزهانی واک و کدرتا، گۆن هُدائے روهئے زۆرا کرتگ‌اَنت. گڑا چه اورْشَلیما بگر تان ایلیریکومئے دَمَگا،‡15‏:19 ایلیریکوم مرۆچیگێن رۆنندی بالکانئے دمگے بوتگ. من سجّهێن راها تَرّ و گَرد کرتگ و مَسیهئے وشّێن مستاگ په سَرجمی جار جتگ. 20 منی اَرمان همے بوتگ که مستاگا آ جاگهان جار بجنان که مَسیه اۆدا پجّارگ نبوتگ و دگرانی اێر کرتگێن بُنهِشتانی سرا چیزّے اڈّ مکنان. 21 بله هما دابا که نبشته اِنت:

22 پمێشکا باز رندا منی دێم دارگ بوتگ که شمئے کِرّا آتک مکنان.

23 بله نون په من، اے هَند و دَمگان کار کنگا جاهے پَشت نکپتگ و بازێن سالێا منی اَرمان هم بوتگ که شمئے کِرّا بیایان. 24 پمێشکا منی دلا اِنت که دێم په اِسپانیایا وتی سات و سپرئے راها، گۆن شما گِند و نِند بکنان تان شمئے گِندُکئے وشّیان و رند، شما منا په اۆدئے سپرا مَدت بکنێت.

25 بله نون اورْشَلیما، پَلگارتگێنانی هِزمت کنگا رئوگا آن. 26 چیا که مَکْدونیَه و اَکایَهئے کِلیسایان شئور کرت که په اورْشَلیمئے نێزگارێن پَلگارتگێنان مالی کُمکے راه بدئینت. 27 اے آیانی وتی جندئے شئور اَت. آ په راستی یَهودیانی وامدار اَنت، چیا که وهدے درکئوم گۆن یَهودیانی روهی برکتان شریکدار بوتگ‌اَنت، آ هم وامدار اَنت که گۆن وتی مالی هستیا، یَهودیانی هِزمتا بکننت. 28 وهدے اے کارُن سَرجم کرت و دلجم بوتان که اے ٹێکی په آیان سر بوتگ، دێم په اِسپانیایا سرَ گِران و همے سپرئے راها شمارا گندان. 29 منَ زانان که وهدے شمئے کِرّا بیایان، گۆن مَسیهئے سَرجمێن برکتانَ کایان.

30 او براتان! په مئے هُداوند ایسّا مَسیها و په پاکێن روهئے مِهرا چه شما دَزبندیَ کنان که هُدائے درگاها په من دْوا بکنێت و گۆن وتی دْوایان منی جهدان همراه ببێت. 31 دْوا کنێت که چه یَهودیَهئے ناباورانی دستا برَکّان و اورْشَلیمئے شهرا، پَلگارتگێن مردم منی هِزمتا بمَنّنت، 32 تان گۆن هُدائے واهگ و رزایا په شادهی شمئے کِرّا بیایان و گۆن شمئے گِند و نندا نۆکێن واک و توانے بگران. 33 سُهل و اێمنیئے هُدا شما سجّهێنانی همراه بات. اَنچش بات. آمین.