1 Cha Pulosay némagá, mane Pulos ke Hodáay hezmatkár o Issá Masihay kásedé án ke Hodáay gechén kortagénáni imáná mohrter bekanán o áyáni rástiay zántá démá bebarán, hamá rásti ke dém pa Hodátorsiá rahshóna*1:1 Rahshón, bezán rahbar, sarók, rahdarbar. bit. 2 É zánt márá abadmánén zenday ométá dant o Hodá ke dróga nabandit, áiá ham cha azalá é abadmánén zenday wádah kortag. 3 May rakkénókén†1:3 Rakkénók, bezán neját dayók. Hodáyá, wati hokmay barkatá, é paygámay jár janagay zemmawári maná dátag o é paymá wati habari pa wahd záher kortag.

4 Pa Titusá ke mani o áiay imán yakk ent o imánay hesábá mani hakkigén chokk ent.

Tará cha Hodáén Pet o may rakkénókén Issá Masihay némagá rahmat o émeni sar bát.

5 Man tará paméshká Kritay jazirahá nádent o shotán ke taw násarjamén kárán begisshénay o har shahrá kamásh gechén bekanay o kárán áyáni dastá bedayay, hamá paymá ke man tará hokm dátagat. 6 Kamásh báyad ent anchéné bebit ke áiá mardománi malámat per mabit, gón wati janá wapádár bebit, áiay chokk báwarmand bebant o choshén káré makanant ke kasé áyáni sará sarkasshi o náparmániay bohtámé jat bekant. 7 Kelisáay kamáshá Hodáay lógay zemmah gón ent, paméshká báyad ent áiá mardománi malámat per mabit, gorunák‡1:7 Gorunák, bezán magrur, porkebr. mabit, damáná zahr magipt, sharábié mabit, sheddatién§1:7 Sheddati, bezán jang o jérhah kanók, arh o korh kanók. mardomé mabit o pa zarr o málá lálech*1:7 Lálech, bezán tamáh, hers. o tamáh makant. 8 Kamásh báyad ent mehmánnawáz bebit, sharri o nékiá dóst bedárit, dáshti†1:8 Dásht, bezán wati napsay dárag, wati ger o dár, wati kanthról. bebit, pahrézkár, pák o palgár o shehm o rahdár‡1:8 Shehm o rahdár, bezán hamá mardom ke ráh o rahbandána mannit. Ordu o Pársiá pa “nazm o tartib”, Angréziá “disciplined”. bebit. 9 Kamáshá hamá porehtebárén tálim ke dayag butag, báyad ent áiay sará mohr bóshtit tánke á degarán gón sharrén tálimá delbaddhi§1:9 Delbaddhi, bezán shábásh, sekén, tashwik. dát bekant o hamá ke é tálimay heláp ant, áyán sarpad kort bekant ke á rad ant. 10 Chéá ke sarkasshén mardom o puttár*1:10 Puttár, bezán hamá mardom ke sakk báz habara kant o bémaksadén habara kant. o prébkár báz ent, hás sonnat kanagay mannókáni tahá. 11 É mardománi dap báyad ent band kanag bebit, chéá ke pa wati lálech o tamáhá lahtén lógá sarjamá tabáh kanagá ant. É anchén tálim dayagá ant ke báyad ent madayant.

12 Esháni jenday sháeréá gwashtag:

13 É gwáhi rást ent, paméshká pa trondi sarpadesh kan ke rástén imánay sará mohr bóshtant o 14 Yahudiáni watgarhén kessahán†1:14 Watgarhén kessah, bezán hamá kessah ke ensáná jórh kortagant. delgósh makanant o choshén mardománi hokmán gósh madárant ke cha rástiá bar gashtagant. 15 Pa pákdelén mardomán har chizz pák o sáp ent, bale á mardom ke palit o nábáwar ant, pa áyán har chizz nápák ent. Aslá, é mardománi pegr ham palit ant o zamir ham. 16 É mardoma gwashant ke má Hodáyá zánén, bale áyáni kár pésha dárant ke áiá nazánant. Choshén mardom bazzhenák‡1:16 Bazzhnák, bezán sakk sell, hamá ke gón áiay o áiay káráni gendagá del harába bit. ant, náparmán ant o hecch sharrén káray kábel naant.