4
Hodáay habaray járá bejan
1 Man tará Hodá o Issá Masihay démá sawgendá dayán, hamá Issá Masih ke róché na róché padá kayt. Kayt o bádsháhia kant o zendagén o mortagénáni dadrasiá kant, 2 taw Hodáay habaray járá bejan, wahd o náwahd pa jár janagá tayár bay. Mardomán hakkal kan o gón mazanén sabr o ópár o bázén sar o sójé áyáni radián rást kan o delbaddhiesh*4:2 Delbaddhi, bezán shábásh, sekén, tashwik. beday.
3 Chéá ke yakk wahdé kayt ke mardom rástén tálimá bardáshta nakanant o wati chapp o chágerdá anchén tálim dayókáni mazanén rombé moccha kanant ke áyáni delay habará bekanant. 4 Mardom rástiay némagá delgósha nakanant o watgarhén kessaháni†4:4 Watgarhén kessah, bezán hamá kessah ke ensáná jórh kortagant. randá kapant. 5 Bale har hálat o jáwaréá‡4:5 Jáwar, bezán hálat. tará dásht bebit, sakki o sóri besagg, wasshén mestágay jár janagay kárá démá barán kan o wati hezmatkáriay zemmahá sarjam kan.
Pulosay áheri habar
6 Nun gapp esh ent ke mani hón wa chónáhá réchagi korbánigéay§4:6 Réchagi korbánig: Kwahnén Ahdnámagay zamánagá réchagi korbánig, korbánigáni yakk tahré butag ke ápén chizzesh korbánig kortag. Edá Pulosay markay némagá eshárahé. paymá réchag bayagá ent o mani rawagay wahd átkag. 7 Man wati nékén johd kortag, man wati zenday tách o maydán*4:7 Tách o maydán, bezán tachagay mokábelah, mosábekah, tachagay rays. sarjam kortag o wati imánay sará óshtátagán. 8 Nun páki o palgáriay táj pa man ér ent, hamá táj ke Hodáwand, bezán ádelén dádras wati áyagay róchá maná danti, tahná maná na, hamá sajjahén mardomán ham danti ke áiay záher bayagay lóthók butagant.
9 Zutt kan o watá pa man sar kan. 10 Chéá ke Démásá wati donyádóstiay sawabá maná yalah kortag o Tesálunikiay shahrá shotag. Kriskis Galátiahá shotag o Titus Dalmátiahá. 11 Tahná Luká mani kerrá ent. Markásá bezur o gón wat byár, chéá ke á Hodáay hezmatkáriá pa man mazanén komakké. 12 Man Tikikás Epésosay shahrá dém dát. 13 Wahdé káay, hamá kabáh†4:13 Kabáh, bezán jobbah ke pashkay sarborá gwará kananti. ke man Truásay shahrá Kárpusay kerrá ér kort, áiá gón wat byár o mani tumárán‡4:13 Tumár hamá ketábána gwashant ke kwahnén zamánagá ták yá póstáni sará nebisag o gerd gardá patáyag butagant. ham, hás hamá ke cha póstá addh kanag butagant.
14 Ásenkárén Sekandará gón man bázén badié kortag. Hodáwand áiay kortagén káráni sezáyá áiá dant. 15 Taw ham watá cha áiá dur bedár, chéá ke may paygámay sakk heláp at.
16 Awali randá ke man hakdiwáná pésh kanag bután, kass mani komakká nayátk. Sajjahénán maná yalah kort. Hodá eshán bebakshát. 17 Bale Hodáwand mani kashá óshtát o maná zór o wáki dát, tánke man sarjamiá paygámay járá bejanán o sajjahén darkawm beshkonant. É paymá man cha shéray dapá rakketán. 18 Hodáwand maná cha har paymén sherr o badá rakkénit o maná pa salámati wati ásmáni bádsháhiá sara kant. Áiay shán o shawkat barjáh bát, abad tán abad. Anchosh bát. Ámin.
Goddhi drahbát
19 Priskilah o Akwiláyá salám kan o Onésiporusay lógay mardomán ham.
20 Erástus Korentay shahrá nesht o Trupimus ke nádráh at, man Militusay shahrá yalah dát.
21 Zutt kan o cha zemestáná pésar watá edá sar kan. Yubulus tará salám kanagá ent, anchosh ham Pudens o Linus o Kládiá o sajjahén brát.
22 Hodáwand gón taw gón bát.
Shomárá rahmat sar bát.
*4:2 4:2 Delbaddhi, bezán shábásh, sekén, tashwik.
†4:4 4:4 Watgarhén kessah, bezán hamá kessah ke ensáná jórh kortagant.
‡4:5 4:5 Jáwar, bezán hálat.
§4:6 4:6 Réchagi korbánig: Kwahnén Ahdnámagay zamánagá réchagi korbánig, korbánigáni yakk tahré butag ke ápén chizzesh korbánig kortag. Edá Pulosay markay némagá eshárahé.
*4:7 4:7 Tách o maydán, bezán tachagay mokábelah, mosábekah, tachagay rays.
†4:13 4:13 Kabáh, bezán jobbah ke pashkay sarborá gwará kananti.
‡4:13 4:13 Tumár hamá ketábána gwashant ke kwahnén zamánagá ták yá póstáni sará nebisag o gerd gardá patáyag butagant.