1 É gappá bezán, ke áheri zamánagán gránén wahda káyant. 2 Mardom wati jendá dósta dárant, zardóst, batháki*3:2 Batháki, bezán hamá mardom kegorrit, kasánén káré mazana kant o pésha dárit, mazangappia kant. , gorunák†3:2 Gorunák, bezán magrur, porkebr., záh o bad kanók, pet o mátay náparmán, náshogr, nápák, 3 bémehr, pahell nakanók, bohtám janók, bédásht, zálem, sharriay naprat kanók, 4 dróhók‡3:4 Dróhók, bezán hamá ke wati hamráhá rada dant o bahá kant., béparwáh o porkebra bant o Hodáay badalá aysh o nóshá dósta dárant. 5 Zaherá Hodátorsa bant bale hamá zór o wáká namannant ke áyán pa rásti Hodátorsa kant. Tará gón choshén mardomán hecch kár mabit.

6 Esháni nyámá anchén mardom hast ke lógáni tahá poterant o hamá janénán wati dámá dawr dayant ke nézór ant o gonáhá bár ant o har paymén radén wáhagáni golám ant. 7 Choshén janén modám nókén tálimáni randá kapant, bale hechbar rástiá sarpada nabant.

8 Anchó ke Yannis o Yambris Mussáay heláp atant, hamé dhawlá é radén tálim dayók ham rástiay heláp ant, sellén pegr o hayál o drógén imánay wáhond ant. 9 Bale é mardom báz démá shota nakanant, chéá ke harkas esháni ahmakiá gendit, anchó ke Yannis o Yambrisay ahmaki gendag but.

10 Bale taw mani bárawá zánay, mani sajjahén tálim, mani zenday warh o paym, mani maksad, imán, sabr, mehr o sagg o bardáshtay bárawá o 11 hamá ázár o sakki o sóriáni bárawá ham zánay ke Antákiah o Ekóniah o Lestrahay shahrán mani sará kaptant. Man é ázár saggetant o Hodáwandá maná cha é sajjahénán neját dát. 12 Harkas ke Issá Masihay ráhá Hodái zendé gwázénaga lóthit, ázár dayaga bit o 13 badén mardom o rad dayók degarán rada dayant o wat rada kapant o róch pa róch gantera bant.

14 Bale hamá chizz ke taw dar bortagant o tará áyáni sará yakin ent, áyán barjáh bedár chéá ke taw zánay ke é chizz taw cha kojám mardomán dar bortagant. 15 Tará sarjamén Pákén Ketábay zánt cha gwánzagá gón ent. É ketáb tará sarpad korta kant ke chón tará Issá Masihay sará imánay barkatá nejáta rasit. 16 Pákén Ketábay sajjahén habar Hodáayg ant ke elhámay sheklá démi dátagant. Pákén Ketáb pa tálim dayagá, pa radiáni sarpad kanag o rást kanagá o pa pahrézkáriay hél dayagá§3:16 Hél dayag, bezán tarbiat dayag, sój dayag, sarpad kanag o ráh perrénag. páedagmand ent 17 tánke har Hodádóst pa har paymén sharrén kárá kábel o tayár bebit.