8
Porshawkat ent tai nám
Pa sázger o washáwázáni sálárá. “Gittitay”*8:0 Báwar esh ent ke Gittit muzikay yak gálé. tarzay sará. Dáuday Zabur.
1 Oo Hodáwand, may Hodáwand!
Chenkadar porshawkat ent tai nám jahánay chárén kondhán.
Taw wati shán o mazani ásmánáni sarborá sheng o tálán kortag.
2 Pa wat satá o saná, chokk o shirmechén nonnokáni dapá ham dátag
ke tai dozhmenáni sawabá tará satá bekanant,
tánke dozhmen o bérgirán chopp o bétawár bekanay.
3 Wahdé tai ásmánáni némagá chárán
ke tai lankokáni ezm o honar ant
máh o estáráni némagá,
ke taw barjáh dáshtagant,
4 ensán chié ke taw áiay gamwár bebay o
bani ádam kay ent ke áiay delgóshá bedáray?
5 Bale angat taw cha préshtagán†8:5 Yá: cha Hodáyá. bass kammoké kamter kort o
mazani o ezzatay táj sará dát.
6 Wati dastay sajjahén káráni sará hákem kort o
har chizz áiay pádáni chérá esht.
7 Sajjahén ramag o górrom‡8:7 Górrom, bezán gókáni romb.
gyábán o sahrái jánwar
8 ásmánay báli morg o
daryáay máhig o
har ché ke cha zeray§8:8 Zer, bezán daryá. ráhá gwazit.
9 Oo Hodáwand, may Hodáwand!
Chenkadar porshawkat ent tai nám jahánay chárén kondhán.