9
Ádelén Hodá
Pa sázger o washáwázáni sálárá. “Mawt-labbénay”*9:0 Mawt-labbénay máná “chokkay mark” ent. Báwar esh ent ke Mawt-labbén muzikay yak gálé. tarzay sará. Dáuday zabur.
1 Tará, oo Hodáwand, cha delay johlánkián shogra gerán,
tai sajjahén ajabén kárán darshána kanán.
2 Tai gwará gal o shádmánia kanán.
Oo borzén arshay Hodá! Tai námá názénán.
3 Wahdé mani dozhmen pada kenzant,
cha tai démá lakoshant o tabáh o haláka bant.
4 Chiá ke taw mani hakk o ensáp pa sharri dáshtag,
wati tahtá neshtagay o pa ensáp dádrasi kortag.
5 Kawmet hakkal dátagant,
badkár tabáh o barbád kortagant o
áyáni nám abad tán abad gár o bégwáh kortag.
6 Dozhmen, dáemi wayránagáni tahá gár o gomsár butagant,
áyáni shahráni risshag o wandhálet cha boná kasshetagant,
tantaná†9:6 Tantaná, bezán hattá, tán é haddá ke. áyáni yát ham gár o zawál butag.
7 Bale Hodáwand tán abad bádsháhia kant,
áiá wati shawr o dádrasiay taht páydár kortag.
8 Á wat jaháná gón adlá dádrasia kant,
kawmáni sará gón ensápá shawra borrit.
9 Hodáwand pa zolm distagénán, borzén kaláté
kaláté borzén, mán sakkén sáhatán.
10 Á ke tai námá zánant tai sará tawkala kanant
chiá ke taw, oo Hodáwand, wati hodónákén‡9:10 Hodónák, bezán wáhagdár, armáni, lóthók, delmánag. lóthók yalah nakortagant.
11 Hodáwandá, ke tahti Sahyuná ent, benázénét,
kawmáni nyámá áiay kortagén kárán jár janét.
12 Chiá ke á ke hónáni bérgir ent, eshán yáta kant
zolm distagénáni peryátána nashamóshit.
13 Oo Hodáwand! Mani sará rahm kan,
hamá ázárán ke cha dozhmenáni dastá maná rasant bechár,
taw ke cha markay darwázagán maná sarperáza kanay,
14 tánke tai sajjahén satá o tawsipán
Sahyunay Jenekay darwázagáni démá§9:14 Sahyunay Jenekay darwázagáni démá, bezán Urshalimay shahray darwázagáni démá. barjáh dárán o
shádmáni bekanán ke taw maná rakkéntag.
15 Kawm, wati hamá kótkagén kallá kaptagant,
áyáni pád hamá dámá band geptag o passetagant ke watesh chér kortagat.
16 Hodáwandá watá gón wati adl o ensápá pajjáréntag,
badkár cha wati kortagén kárán wat dámá kapant.
Zegr...*9:16 Asligén Ebráni gál “Higáyun” ent. É gálay máná zánag nabutag bale báwar esh ent ke muzikay yak gálé. Ósht...
17 Badkár mordagáni jaháná pera tarrant,
á sajjahén kawm ke Hodáyá shamóshant.
18 Bale hájatmand harwahd shamóshaga nabant o
zolm distagénáni omét tán abad barbáda nabit.
19 Oo Hodáwand! Pád á o mayl ke ensán báládast bebit,
bell ke tai dargáhá kawmáni shawr o hokm borrag bebit.
20 Oo Hodáwand! Torsesh jesm o jáná perrén
tán kawm bezánant ke ensán ant o bass. Ósht...
*^ 9:0 Mawt-labbénay máná “chokkay mark” ent. Báwar esh ent ke Mawt-labbén muzikay yak gálé.
†9:6 9:6 Tantaná, bezán hattá, tán é haddá ke.
‡9:10 9:10 Hodónák, bezán wáhagdár, armáni, lóthók, delmánag.
§9:14 9:14 Sahyunay Jenekay darwázagáni démá, bezán Urshalimay shahray darwázagáni démá.
*9:16 9:16 Asligén Ebráni gál “Higáyun” ent. É gálay máná zánag nabutag bale báwar esh ent ke muzikay yak gálé.