84
Pa Hodáwanday parasteshgáhá hodónák án
Pa sázger o washáwázáni sálárá. Kórahay chokkáni Zabur. “Gittitay”*84:0 Báwar esh ent ke Gittit muzikay yak gálé. tarzay sará.
1 Oo lashkaráni Hodá!
Tai bárgáh chón dóstnák ent.
2 Mani arwáh pa Hodáwanday parasteshgáhay péshjáhán†84:2 Péshjáh, bezán péshgáh, lógay chárdiwál, sahn. shaydá o hodók ent,
mani del o ján pa zendagén Hodáyá pa shádehi kukkára kant.
3 Jengolá ham pa wat lógé dar gétk o
pistáná‡84:3 Pistán kasánén morgé. pa wat kodóhé
ke wati chureg o chippokán ódá beródénit,
tai korbánjáhay nazziká, oo lashkaráni Hodáwand,
mani bádsháh o mani Hodá!
4 Bahtáwar ant hamá ke tai bárgáhá jahmenend ant,
á modám tará názénant. Ósht...
5 Chón bahtáwar ant hamá ke wák o zóresh cha tai némagá ent o
delesh tai ráhán ent.
6 Á, wahdé cha arsáni§84:6 Bakáay darag, ke mánái arsáni darag ent. daragá gwazant,
daragá cha chammagá porra kanant o
tákchandhay mósomay hawr ham áiá rahmata póshénit.
7 Cha mohrá mohrter bayána bant
tán hamá wahdá ke Sahyuná Hodáay bárgáhá rasant.
8 Oo Hodáwand, lashkaráni Hodá! Mani dwáyá gósh dár,
beshkon, oo Ákubay Hodá! Ósht...
9 May bádsháhá*84:9 Asligén Ebráni syáhaga gwashit: may espará. delgósh kan, oo Hodá!
Wati rógen per moshtagéná†84:9 Rógen per moshag, bezán pa bádsháhiá gechén kanag. delgósh kan.
10 Tai bárgáhay yak róché
gehter ent cha dega jágahéay hazárán róchá,
cha badkáráni tambuáni tahá árámén zendéay gwázenagá
maná wati Hodáay dargáhay dapá óshtag dóstera bit,
11 ke Hodáwandén Hodá róch o esparé,
Hodáwand rahmata bakshit o ezzata dant.
Hamá ke zendá pa bémayária gwázénit,
Hodáwand sharrén chizzán cha áiá dura nadárit.
12 Oo lashkaráni Hodáwand!
Bahtáwar ent hamá ke tai sará tawkala kant.
*^ 84:0 Báwar esh ent ke Gittit muzikay yak gálé.
†84:2 84:2 Péshjáh, bezán péshgáh, lógay chárdiwál, sahn.
‡84:3 84:3 Pistán kasánén morgé.
§84:6 84:6 Bakáay darag, ke mánái arsáni darag ent.
*84:9 84:9 Asligén Ebráni syáhaga gwashit: may espará.
†84:9 84:9 Rógen per moshag, bezán pa bádsháhiá gechén kanag.