99
Áiay pádáni padagay démá sojdah kanét
1 Hodáwand bádsháhia kant,
kawm belarzátant,
á, karrubiáni*99:1 Karrubi, ásmáni mahluké ke bánzolesh per o Hodáay tahtay chapp o chágerdá ant. nyámá, wati bádsháhi tahtá neshtag,
zemin belarzát.
2 Sahyuná, Hodáwand mazan ent,
borzén arshay Hodá, sajjahén kawmáni sará hákem.
3 Tai mazan o bákamálén námá satá kanátant,
Hodáwand pák ent.
4 Bádsháh zóráwar ent, adli dósta bit.
Taw, oo Hodá, ensáp barjáh dáshtag,
sajjahén Esráilá†99:4 Asligén syáhaga gwashit: Ákubá. taw hamá kár kortag ke
pa adl o ensáp ant.
5 May Hodáwandén Hodáyá shán o shawkat dayét o
áiay pádáni padagay démá parastesh kanét,
ke á pák ent.
6 Mussá o Hárun cha hamáiay dini péshwáyán atant o
Samuil ham cha hamáyán at ke Hodáwanday námesh gept.
Hodáwandesh tawár kort o
áiá passaw dátant.
7 Cha jambaray sotuná gón áyán habari kort o
áyán ham hamá hokm o Sharyat barjáh dásht ke dátagati.
8 Oo Hodáwand, may Hodá! Taw á passaw dátant,
taw pa Esráilá pahell kanókén Hodáé atay,
harchont ke áyáni gonáháni sezáet ham dát.
9 May Hodáwandén Hodáyá shán o shawkat bedayét,
áiay pákén kóhay sará áiá parastesh kanét,
ke Hodáwand, may Hodá pák ent.