100
Hodáwand nék ent o mehri abadmán
Shogrgozáriay Zaburé.
1 Oo sajjahén zemin!
Pa Hodáwandá shádmániay gwánká bejan.
2 Hodáwandá pa shádehi parastesh kanét,
gón shádmániay sawtán áiay bárgáhá byáét.
3 Bezánét ke Hodáwand, Hodá ent,
hamáiá márá addh kortag o má hamáiayg én,
má áiay kawm, áiay charágáhay ramag én.
4 Áiay darwázagán gón shogrgozári bepotrét o
áiay bárgáhá gón satá o saná.
Áiay shográ begerét o áiay námá besárháét,
5 ke Hodáwand nék ent o mehri abadmán,
áiay wapádári nasláni nasl barjáha mánit.