47
* Aisaia 13:1-14.23; Yelemaia 50:1, 51:64Hina Gode da fedege sia: amane sia:sa,
“Ba:bilone! Dia fisu amo fisili, osoboga aligila sa:ili
amola osobo su amoga fima.
Di da musa: a:fini dunu hame dawa:digi agoane galu.
Di da musa: moilai bai bagade, eno dunuga hame hasanasi agoane galu.
Be wali dia da asaboi amola noga:iwane ba:su hame gala.
Di da bu udigili hawa: hamosu dunu agoai hamoi dagoi.
Widi goudasu igi sisiga:su bebesoma! Widi goudama!
Dia abula sawa: figisu fadegama!
Dia abula sosone noga:idafa gisa:ma!
Hano degemusa:, dia gaeya gogomone gadoma.
Dunu da dia da:i nabado ba:mu.
Dia da fonoboi dagoi amola ilia da dia gogosiasu ba:mu.
Na da dabe imunu amola enoga Na logo hedofamu da hamedei.”
Isala:ili ilia Hadigi Gode da ninia hahawane dogolegele masa:ne,
logo doasisa. Ea dio da Hina Gode Bagadedafa.
Hina Gode da Ba:bilone fi ilima amane sia:sa,
“Di ouiya:le gasi ganodini fima.
Musa: ilia da di da fifi asi gala huluane ilima hina bagade uda, ilia sia:i.
Be agoane bu hame sia:mu.
Na da Na fi ilima ougi galu.
Na da ilima asigi hou fisili, ilia da Na fi hame defele ilima hamosu.
Di, Ba:bilone, ilima hasanasima:ne, Na da dia logo doasi.
Di da ilima hame asigi.
Dia da dunu huluane amola da:i hamoi dunu ilima mae asigili,
ili se nabima:ne, gasa fi agoane hamoi.
Di da eso huluane hina bagade uda agoane esalumusa: dawa:i gala.
Be di da dia hou hamobe, amola fa:no misunu hou hame dawa:i.
Wamolegei Sia: Olelesu 18:7-8Ba:bilone! Hahawane hedesu hou hanai dunu! Nabima!
Di da hahawane gagili sali dagoi dawa:lala.
Dia da Gode defele, gasa bagadedafa esala,
amola osobo bagadega eno fi di defele hame esala dawa:lala.
Di da didalo hamone, amola dia mano huluane fisimu
amo hamedafa dawa:i galu.
Be hedolodafa eso afadafa amoga,
amo hou aduna da dima doaga:mu.
Di da fefedoasu hou bagade hamomu,
be digua amola mano fisimu.
10 Dia da wadela:i hou hamobeba:le, disu da defele dawa:i galu.
Dia hou da enoga ba:mu da hamedei agoane dawa:i galu.
Dia da dia bagade dawa:su hou amoma fa:no bobogebeba:le, giadofale asi.
Di da dima amane sia:i,
“Na da Gode. Eno fi na defele da hame esala.”
11 Di da wadela:lesi dagoi ba:mu.
Amola dia fefedoasu hou da dia dafasu gaga:mu gogolei.
Wadela:su hou, amo di da hamedafa dawa:i galu, da dima doaga:mu.
12 Defea! Gabi liligi amola yagono dawa:su liligi mae fisili gaguma!
Dia manohadi esoga, di da amo liligi amoga hamosu. Amabela:?
Amo liligi da di fidima:bela:?
Amoga hamosea, dia ha lai dunu da beda:ma:bela:? Hamefa!
13 Dunu eno da dima fada:i sia: olelesa, be di da gasa hame ba:sa.
Dia gasumuni ilia hou hogosu dunu da misini, di gaga:mu da defea.
Ilia da gasumuni ilia hou hogole, amola mu amo ea alalo defei ba:sa.
Amasea, oubi afae afae hobea dilima doaga:mu hou olelesa.
14 Be ilia da bioi gisi agoane foga mini asi dagoi ba:mu.
Amola, lalu da ili nemu.
Ilia da ilisu gaga:mu hamedei ba:mu.
Amo lalu sawa: da baligili gia:iba:le,
ilia da amoga udigili dogolomu hamedei agoane ba:mu.
15 Dilia da dia esalusu eso huluane ganodini,
amo gasumuni ba:la:lusu dunu ilia sia:ne iasu hogosu.
Be ilia da di fidimu hame dawa:.
Ilia da di fisili, difawane da dia logo hogoi helema:ne yolesimu.
Afae da di gaga:mu hamedafa ba:mu.”

*47:1: Aisaia 13:1-14.23; Yelemaia 50:1, 51:64

47:8: Wamolegei Sia: Olelesu 18:7-8