इब्रानी के किताब अक्ठी उतसाहित चिट्ठी हबै, जउन दरसाथै कइसन यीसु पुरान नियम के कइठे आगू कर बात के पूर करिस। हइ अक्ठी संदेस के मेर लिखे गय रथै, इब्रानी पुरान नियम के 60 लग जादा संदरभ हबै जउन सही रूप लग दिखाथै, कि कइसन यीसु आगू कर बात अउ यहूदी महायाजक के करतब्य के पूर करिस। हइ कारन लग हइ किताब यहूदी बिस्वासिन के उतसाहित करै बाले रथै। इब्रानी दिखाइस कि कइसन यीसु नियम के पूर करिस ताकि याजकन के फेर कबहुन बलि झइ देयका पडै, यीसु सगलू झन के पाप के निता अक बेर अउ हरमेसा के निता बलि हुइ गइस। हमर टेम बिस्वासी इब्रानी के चिट्ठी हे उतसाह पाय सकथै, कि ऊ यीसु मसीह के सुरता करत रहै जउन हमर निता भगवान हे बिस्वास करै के सिखाथै, अउ संग ही संग ओखर उप्पर बिस्वास करत रइहा। 12:2

इब्रानी के कउन लिखिस हइ कउ नेहको जानथै पय दिमाक बाले चेला पोलुस, लूका या बरनबास जसना सुझाव देय हबै। लिखे बाले तरिको नेहको जानथै पय जादातर मानेके हबै, कि हइ यीसु मसीह के जनम के 70 साल के पहिले लिखे गय रथै, यरुसलेम 70 हे नास के दय गय रथै पय हइ चिट्ठी के लिखइया यरुसलेम के बारे हे बात करथै, जसना कि हइ अबहुन तक नास नेहको होय रथै। इब्रानी के रोम सहर 13:24 हे लिखे गय रथै, अउ करीबन कइठे मंडली हे परसारित करे गय रथै।