14
Ki jiin nisaarii nɔɔntont po
(Yaŋ 53)
1 Jatit dukii bi para ni a, “Yennu kaa.”
Bi kur tee niyoonae ki tun bonbilankanta,
sɔɔ kaa ki tuun linba tooki.
2 Yennu be sanpaapo ŋaan gorii nisaarii
a wun laan siab be ki sub ki bia jiantirɔ.
3 Ŋaan bi kur tun ki kpeta; bi kur tee nibiite, jinjan-youŋ.
Sɔɔ kaa ki tuun linba ŋan, nan yenɔkɔɔwa.
4 Yennu boi a, “Bi ki mi-ii?”
Toonbiit damm maŋ ki mi-ii?
Bi di n niib nan nirɔ nba tuu di jeet na,
ki bia ki meimi.
5 Ŋaan bi yan saa puta;
kimaan Yennu be nan binba saak u mɔb na.
6 Toonbiit damm na kut labin sikin-n-mɔŋ daanɔ lorae,
ŋaan Yennu-e tee u fat-tɔɔ.
7 N mei Yennu-e a nyannu n nyi Sayɔnn
ki baar u niib Israel teeb paak.
Yoo nba ki Yennu saa te ki Israel teeb na n mɔkit na,
bi tan sii mɔk parpeenn bonchiann.