1 Yennu, a saa tamm n po ki lin wei nlee?

Yoo kur amii?

Taar munŋaae ki a saa lek a numm ŋaan nyikimi?

2 N sii be mabir ni ki lin wei nlee?

Parbiir saa gbee n par ni yonnu nan nyiɔk ki lin wei nlee?

N datai saa nyannin ki lin wei nlee?

3 N Yomdaanɔ Yennu, gotirin ki turin gatu.

Turimin paŋ ki daa te ki n kpenni.

4 Daa te ki n datai yeen a, “Ti nyannɔwa.”

Daa te ki bi kpamm n baak paaki.

5 N gaa a lomm nba tun ki be na paake.

N sii kpamme, kimaan a saa nyinnin biit niwa.

6 N saa yin yaŋ ki tura, kimaan a ŋan ki turin.