1 Yennu, sommitit. Niŋanɔ nan yenɔkɔɔwa ki biari,

a ji kan la nimɔnɔ kɔtaa.

2 Bi kur fa faie ki teen bi leeb, bi dia mɔmante ki kparin bi leeb.

3 Yennu, a te bin ŋmin bi fai mɔi maŋ.

Mubint bi dont-n-mɔŋ mɔi nba yeen a,

4 “Ti tuu jii ti mɔbonae ki la linba ki ti loon.

Ti sii piak ti yanbɔɔte, ŋaan sɔɔ kaa ki saa te ki tin ŋmini.”

5 Ŋaan Yennu yeen a, “N saa baar mɔtana,

kimaan talas damm di biake,

ki binba be mabir ni na kurii nan gbananyekitir.

N saa turib yandɔɔnn binbeŋ nba ki bi tuu daan nawa.”

6 Yennu mɔsonae ŋan ki tin teenir yada,

kimaan li tee nan lik-kut nba ki bi purir saauk muu ni

7-8 Nitont be siar kur po, sɔɔ kur dont linba tee bonbiire.

Yennu, ii diat fanu, ki nyinnit li nibooru nuu ni.