1 N maa Yennu paake, ki u nyintin mukir ni.

I tee jatite ki piak teenin a, “Yukit nan nɔɔŋ na ki do jɔjaana,

2 kimaan biit damm jii bi tɔrbana ki be bunbɔnn ni

3 Li-i tee ki bonsiar kur biir, niŋanɔ saa tee nlee?”

4 Yennu be u kasii jiantu ŋasaakak ni.

U naangbouŋ be yendɔuŋ ni, ki u gorii niib siar kur po,

ki mi linba kur ki niib tuun.

5 U bikii niŋamm nan biitdamm kure.

U ki loon tubkangbata damm na.

6 U sikint mupeenu nan sarwuuta nitont paak.

U daar bi tuba nan wartouŋ nba koot bona nae.

7 Yennu tee kasiie ki loon toonŋana.

Binba tuun toonŋana sii tun be Yennu tɔɔnne.