23
Yennu-e tee ti gotitɔɔ
1 Yennu-e tee n gotitɔŋanɔ, n laat linba kur ki n loon.
2 U te ki n dɔɔ siaminba mɔk jeet, ki ŋmakitirin,
ki n saa siaminba nyun be.
3 U ŋammit teenin paŋ.
U sanŋann paak, ki u ŋmakitirin sɔnjouk nba ŋan ni.
4 Yennu, mi-i lekii somm baauk nba ki kuun yinyuŋ be na ni,
n ki tiin jaŋmaanii, kimaan a be nanin
ki dia a dammir ki teenin parcheenn,
5 ki sent n jeet, siaminba ki n datai laatin.
A gaarin saauŋ, ki n nyubitik gbee ki mɔ.
6 N mi nan a ŋamm nan lomm sii yɔɔ be n boor,
ki n sii be a ŋaak ni, n manfoor kur ni.