1 Yennu, want nan n ki mɔk biiti,

ki bu nyinnin binba ki jiantira na ni,

a fatin ki min nyi fai damm nan nibiit na ni.

2 Fine tee n sommtɔɔ; bee ki a nyikimi?

Bee ki n sii lin di fara, ki n datai dia ki ŋmaŋitimi?

3 A tun a yentu nan a barmɔnii ki lin ŋmakitin,

ki jiin ki jen nanin Sayɔnn, a kasii kunkonn na boor,

nan a binbeboor nba ki a be na.

4 Yennu, n saa saan a maruŋ binbintir boore,

fine tee n parpeenn nyakir,

ki n saa faa kɔnn ki yin yaŋ ki donta.

Yennu, fine tee n Yennu.

5 Bee ki n be parbiir ni? Bee ki daamii be n ni?

N saa teen n dindann Yennu nie, ki saa ŋamm dontɔ.

Ŋɔɔe tee n tinntɔɔ nan n Yennu.